«Qurmetti jol qozǵalysyna qatysýshylar! Aýa raıynyń nasharlaýy jaǵdaıynda ár qadamyńyz mańyzdy ról atqarady. Muztaıǵaq, kúshti jel, boran nemese tuman kúndelikti saparyńyzdy qaýipti synaqqa aınaldyrýy múmkin. Sondyqtan alys jolǵa shyqpaýǵa keńes beremiz. Keıde kútken durys, sebebi óz ómirińizdi jáne ózgelerdiń qaýipsizdigin qaterge tigýge bolmaıdy», – dedi Sultanbaev.
Ol jolǵa shyqqan jaǵdaıda kelesi erejelerdi qatań saqtaýdy usyndy:
- Jyldamdyqty azaıtý;
- Qaýipsiz qashyqtyqty saqtaý;
- Manevrlar men basyp ozýlardan aýlaq bolý;
- Alǵashqy múmkindik bolǵanda jaqyn mańdaǵy eldi mekende nemese qaýipsiz jerde toqtaý.
«Joldarda táýlik boıy polısııa qyzmetkerleri men qutqarý bólimsheleri kezekshilik atqaryp jatyr. Olardyń basty maqsaty – sizge kómek kórsetý. Tótenshe jaǵdaıda birden tıisti organdarǵa júginińiz», — dedi ol.
Qaısar Sultanbaev, sonymen qatar, aýa raıynyń qolaısyzdyǵyna baılanysty shekteýler men talaptardy buzǵandardyń zań aıasynda jaýapkershilikke tartylatynyn eskertti.
