Sýret: ntime.kz
«Astana Hub» bas dırektory Maǵjan Mádıev jasandy ıntellekt ortalyǵy bolatyn biryńǵaı sıfrlyq hab qurý jumystarynyń barysyna toqtaldy. Indýstrııalyq eńbek naryǵynda suranysqa ıe otandyq kadrlar daıarlaýǵa, sondaı-aq bilim mazmunyn ázirleýge erekshe kóńil bólindi.
Premer-mınıstr JI damýynyń praktıkalyq turǵydan naqty paıdasyn atap ótip, tehnologııalyq sheshimderdi aýqymdy engizý birinshi kezekte el azamattarynyń ómir súrý sapasyna oń áser etýge tıis ekenin atap ótti.
«Memleket basshysy suhbatynda Úkimet aldyna ekonomıkalyq ósýdi qamtamasyz etý jáne azamattardyń ál-aýqatyn arttyrý mindetin qoıdy. Biz ónimdi jumys oryndaryn qurýǵa, sol arqyly elimizdiń barlyq óńirinde otbasylardy turaqty tabyspen qamtýǵa múmkindik beretin shıkizattyq emes damyǵan salalary bar ózin-ózi qamtamasyz etetin ekonomıkaǵa umtylyp otyrmyz. Elimizde GovTech jáne IT salasy tabysty damyp keledi jáne ony jalǵastyrý qajet. Jalpy, sıfrly ekonomıka ósýdiń mańyzdy ári serpindi núkteleriniń birine aınalýǵa tıis», dep basa aıtty O.Bektenov.
Prezıdent suhbatynda atap ótilgendeı, Úkimettiń basym mindetteri ekonomıkanyń ornyqtylyǵy men tıimdiligin qamtamasyz etý, naqty sektordy serpindi damytý, eńbek ónimdiliginiń ósýi, sapaly jumys oryndarynyń ulǵaıýy bolyp qala beredi. Premer-mınıstr atalǵan mindetterdi oryndaýda Úkimet tıisti is-sharalardy júzege asyratynyn atap ótti.
