Sýret: aikyn.kz
Halqymyz qazaqty bir ult retinde uıystyrý úshin ortaq sheshimge kelip, han saılaǵan. Basshysyz top adasady. Sebebi otbasyndaǵy otaǵasy sııaqty memlekettiń de basshysy bolýy kerek. Prezıdent memlekettik bıliktiń saıası júıesi jalpyhalyqtyq referendýmda tańdaýǵa túsetinin aıtty. Memleket basshysynyń «Kúshti Prezıdent – Yqpaldy Parlament – Esep beretin Úkimet» tujyrymdasynyń ózi – eń qolaıly saıası júıe. Ony júzege asyrý úshin halyq únine qulaq asatyn memlekettiń úkimeti men atqarýshy bıligi Prezıdent tapsyrmalaryn múltiksiz oryndaýǵa tıis. Sonda tujyrymdama nátıjeli bolady.
О́kinishke qaraı, ekonomıkalyq-áleýmettik máselelerdi sheshýde aqsap jatqan tustar óte kóp. Bul Úkimet pen ákimdikterge syn. Tek memlekettik mindetter jer-jerde shynaıy ári naqty oryndalsa, sonda turaqty damý bolady hám halyqtyń bılikke degen senimi arta túsedi.
Al Parlamenttiń reformalanýy, aýyl, aýdan jáne qala ákimderiniń saılanýy, Ulttyq quryltaıdyń qurylýy jáne eń bastysy, zań ústemdiginiń basymdyqqa aınalýy – saıası toqyraýǵa ushyramaýǵa kepildik beredi. Elimizde merziminen buryn Parlament te, Prezıdent te saılaýy bolmaıdy. Al Úkimettiń otstavkaǵa ketýi – saılaýshylardyń pikiri negizinde partııalar qabyldaıtyn sheshim. Buǵan baılanysty Prezıdent óz oıyn ashyq jetkizdi.
Elimizdiń eńsesin tikteıtin ákimderdi halyq rýlyq, júzdik dárejede emes, eldik deńgeıde tańdasa ıgi. Sonda ákimder saılaýy da nátıjesin beredi. Árbir saılanǵan ákim men depýtattar memleket artqan mindetterdi asqan jaýapkershilikpen iske asyrýǵa tıis. Ádiletti Qazaqstan jańasha kózqarasty kadrlardyń iskerligi men adaldyǵy ári ádildigi arqyly qalyptasady.
Qaırat BALABIEV,
Májilis depýtaty
