Ashat Raqymjanov óz sózinde jylý elektr ortalyqtarynyń jumysy Májilistiń erekshe nazarynda ekenin, sondyqtan birinshi kezdesý osy jerden bastalǵanyn atap ótti.
«Jaıyqteploenergo» AQ bas dırektory Baqytjan Ákimǵojın ortalyqtyń Batys Qazaqstan oblysyndaǵy en úlken mekemelerdiń biri ekenin, qalany jylý jáne ystyq sýmen qamtamasyz etip otyrǵanyn aıtty. Onyń qurylysy 1953 jyly bastalyp, 1960 jyly 22 jeltoqsanda birinshi týrbo agregat iske qosylǵan.
Búginde jylý elektr ortalyǵynyń 88 paıyzy tozǵan. Sondyqtan rekonstrýksııa jumystary júrgizilip jatyr. Mysaly, birinshi týrbo agregatty aýystyrý bes jyl buryn bastalyp, 2025 jyldyń naýryz aıynda iske qosý josparlanǵan.
«Mundaǵy ózekti másele – jabdyqtardyń qymbattyǵy. Deldaldar arqyly satyp alatyn bolǵandyqtan, tarıfke de áser etýi múmkin. Jumysshylardyń aıtýynsha, ortasha jalaqy 200 myń teńgeniń aınalasynda, sondyqtan jastardyń munda jumys isteýge degen qyzyǵýshylyǵy tómen», dedi Ashat Raqymjanov.
Osyǵan oraı kásiporyn qyzmetkerleri jas mamandarǵa qoldaý sharalaryn qarastyrýdy surady. Ortalyqta kóterilgen máselelerdi depýtattar óz nazarynda ustap, jalpy otyrysta qarap, arnaıy depýtattyq saýal daıyndalatynyn aıtty.
