Aımaqtar • 09 Qańtar, 2025

Qyzylordada joǵalǵan malshy tabyldy

100 ret

kórsetildi

1 mın

oqý úshin

7 qańtardyń túninde Jalaǵash aýdany polısııa bólimine 64 jastaǵy malshynyń joǵalǵandyǵy týraly habar túsedi. Osy aýdandaǵy Jańadarııa aýylynyń «Qumjarǵan» ýchaskesinde fazendadan tańerteń mal aıdap shyqqan azamat keshke oralmaǵan. Daýyldy kúni joǵalǵan er adamdy áýeli sharýa qojalyǵyndaǵy malshylar ózderi izdepti. Odan nátıje shyqpaǵasyn polısııaǵa júginýge týra kelgen, dep habarlaıdy Egemen.kz.

Murat JETPISBAEV

Adam joǵalý deregi Jalaǵash aýdandyq polısııa bólimine tirkelip, qajetti sharalar júrgizildi. Polıseıler, tótenshe jaǵdaı departamentiniń qyzmetkerleri, aýyl turǵyndary men eriktilerden arnaıy top qurylyp, barlyq aýyldar, dalalyq joldar túgel qamtyldy. Osynyń nátıjesinde joǵalǵan malshy túngi 02:00 shamasynda aman-esen tabyldy. Qojalyq ıesi aýdandyq polısııa bóliminiń qyzmetkerlerine áleýmettik jeli arqyly alǵys aıtty.

Polısııa qyzmetkerleri daýyldy eskertý jarııalanǵan ýaqytta alys saparǵa shyqpaý kerektigin eskertedi. Al jyldyń qaı mezgilinde de qaýyrt jumys jasaıtyn sharýa qojalyǵyndaǵy qyzmetkerler qystaýlar men jaıylymdardan alys ketpeýge tyrysqany jón.