Birinshi otyrys barysynda jobalyq keńse músheleri óńirlerdiń áleýetin ashýǵa erekshe nazar aýdara otyryp, óńirlik damýdyń jańa tásilderin iske asyrý jónindegi sharalardy talqylady.
«О́ńirlerdiń áleýetin tolyq paıdalaný qajet, bul rette eń úlken ınfraqurylymdyq problemalary bar óńirler qarjylandyrylýǵa tıis. Jobalardy qarjylandyrý túpkilikti nátıjege qol jetkizýge baǵyttalǵanyn eskere otyryp, óńirlerge barynsha derbestik berý qajet. Sondaı-aq salyq túsimderin asyra oryndaǵany úshin óńirlerdi kótermeleý qajet», dedi Q.Bozymbaev.
Sonymen qatar otyrysqa qatysýshylar óńirlerdiń damýyndaǵy dısproporsııalardy boldyrmaý, jańa strategııalyq qujattardy ázirleý, jergilikti jerlerde sheshim qabyldaýda aýdan jáne aýyl ákimderi derbestiginiń jetkiliksizdigi máseleleri boıynsha sharalardy talqylady. Jergilikti ózin-ózi basqarýdy damytý úshin «Amanat» partııasynyń depýtattary Memlekettik qyzmet isteri agenttigimen birlesip «Ákimder mektebi» jobasyn iske qosýdy usyndy.
«Jobalardy tıimdi iske asyrý jáne sapaly irikteý úshin oblys ákimdikteri jergilikti ózin-ózi basqarýdy damytý jónindegi kishi toppen birlesip, qajetti ınfraqurylym salý jáne ónimdi ótkizýge kómek kórsetý jónindegi naqty josparlardy ázirleı otyryp, árbir aýyldyń mamandanýyn aıqyndaı otyryp, skrınıng júrgizýi qajet», dep tapsyrdy Q.Bozymbaev.
Vıse-premer jergilikti ózin-ózi basqarý salasyndaǵy zańnamany jetildirý boıynsha tapsyrmalar berdi.
«Memlekettik organdar arasynda salaaralyq úılestirý álsiz. Bul tájirıbeni joıý kerek. О́ńirlik jáne salalyq saıasatty kelisilgen iske asyrýdy júrgizý qajet. Bıýdjettik baǵdarlamalar men ınvestısııalyq josparlardy oryndaý sınhrondy túrde júzege asyrylýy tıis», dedi Q.Bozymbaev.
Memlekettik organdarǵa bir aı merzimde óńirlik saıasatty jetildirýdiń ázirlengen sharalaryn iske asyrýdyń barlyq usynylǵan sharasy boıynsha vedomstvolyq normatıvtik-quqyqtyq aktilerge tekserý júrgizý tapsyryldy.
