Foto: Elements.envato.com
«KopSoz» Telegram arnasy habarlaǵandaı, qylmys kúni keshe, 12 qańtarda saǵat 02:50 shamasynda Jabaev kóshesindegi jeke úılerdiń birinde bolǵan. Buryn sottalǵan ári psıhıkalyq aýytqýlarǵa dýshar bolǵan er adam janjal shyǵaryp, anasyn pyshaqtap óltirgen. Qylmys jasaǵan soń máıitti aýlaǵa shyǵaryp, órtep jibergen.
Qalalyq polısııa departamentiniń málimetinshe, 1994 jylǵy er adam qamaýǵa alyndy.
«Oqıǵa ornynan áıeldiń denesi tabyldy. Atalǵan fakti boıynsha qylmystyq is qozǵaldy. Kúdikti ustalyp, ýaqytsha ustaý ızolıatoryna qamaldy. Qazir tergeý amaldary júrgizilip jatyr. Aldyn ala boljam boıynsha qylmysqa otbasylyq janjal sebep bolǵan», delingen polısııa túsiniktemesinde.
QR Qylmystyq kodeksiniń 99-babynyń 1-bóligi «Adam óltirý» boıynsha qylmystyq is qozǵaldy.
