Máselen, atalǵan baǵdarlama osy kúnge deıin suraq qoıǵan kezde ǵana jaýap beretin. Al endi budan bylaı jasandy zerde ózi birinshi bolyp jazatyn qabiletke ıe. Kádimgi adam sekildi. Iаǵnı azamattardyń mańyzdy josparlaryn eske salyp, shynaıy kómekshi qyzmetin atqarady. Baıqaǵandaryńyzdaı, jasandy ıntellektiniń qarqyny qatty. Qoldana alsań – ıgiligiń, qoldana almasań – qıǵylyǵyń.
Tiri munara
Katalonııa halqynyń birligi men qaısarlyǵyn kórsetetin erekshe dástúri bar. Bul – adamdardan quralǵan tiri munaralar qurý óneri «Kastels».
Munaranyń tómengi qabatyn denesi myǵym myqtylar ustap tursa, joǵary qabattarǵa jeńil ári epti jastar kóteriledi. Ár kórermen janyn shúberekke túıip, keremet shoýǵa shomylady. Atalǵan dástúrdiń eki ǵasyrdan astam tarıhy bar. 2010 jyly IýNESKO bul ónerdi adamzattyń materıaldyq emes mádenı murasy dep tanydy.
«Qupııa aral»
NASA spýtnıkteri Kaspıı teńizinen «Chıgıl-Denız» atty belgisiz aral tapty.
Observatorııa dereginshe, 2022 jyldyń qarashasy men 2024 jyldyń jeltoqsany aralyǵynda «Landsat 8, 9» apparattary Kaspıı teńiziniń jaǵalaý aımaǵyn birneshe ret sýretke túsirip, kezdeısoq jańa araldy anyqtaǵan. Spýtnıktik baqylaýlar kórsetkendeı, aral Kýmanı-Benk janartaýynyń atqylaýynan keıin paıda bolǵan.
