Foto: Ashyq derekkóz
Jalpy jınalysta kondomınıým obektisiniń ortaq múlkin kútip-ustaýǵa arnalǵan shyǵystar smetasyn, onyń ishinde turǵyn emes úı-jaılardyń menshik ıeleri úshin jarna somasyn bekitý týraly sheshim qabyldanǵan. Jergilikti sottar talap qoıýdy qanaǵattandyrýdan bas tartqan.
«Joǵarǵy Sot sot aktilerin kassasııalyq qaraý kezinde birinshi jáne apellıasııalyq satylardaǵy sottardyń «Turǵyn úı qatynastary týraly» Zańynyń normalaryna qaıshy keletin birqatar eleýli mán-jaılardy esepke almaǵanyn anyqtady.
- Zańnyń 42-1-babynyń 1-tarmaǵyn buza otyryp, turǵyn emes úı-jaılarǵa tarıfti bekitý týraly sheshimdi menshik ıeleriniń kópshiligi is júzinde qoldamaǵan;
- Jazbasha saýalnama zańda belgilengen merzimderdi buza otyryp, Zańnyń 42-2-babynyń 3-tarmaǵyn saqtamaı júrgizilgen;
- «Tarıfti kóterý týraly» kún tártibindegi birinshi otyrysqa deıin de, qaıtalama otyrystan keıin daýly hattamalyq sheshim qabyldanǵan», delingen habarlamada.
Nátıjesinde istiń naqty mán-jaılary burmalanyp, Seriktestiktiń quqyqtary men zańdy múddeleri buzylǵan. Joǵarǵy Sottyń azamattyq ister jónindegi sot alqasy zańsyz sot aktileriniń kúshin joıyp, úı-jaılardyń (páterlerdiń) menshik ıeleriniń jalpy jınalysynyń hattamasy jaramsyz dep tanylǵan.
