Foto: gov.kz
Týktarovqa judyryǵymen jábirlenýshiniń kóz aımaǵyna birneshe ret soqqy jasap, onyń densaýlyǵyna qasaqana aýyr zııan keltirgen, sonyń saldarynan ol abaısyzda jábirlenýshiniń ólimine ákep soqqan degen aıyp taǵylǵan.
Sot barysynda kúdikti oqıǵany birkelki baıandaǵan. Sondyqtan quzyrly organdar, kúmán keltirerlik jaǵdaıdy baıqamaǵan. Oqıǵa ornynda beınebaqylaý jazbalary da kúdiktiniń sózin aıǵaqtaǵan.
Jábirlenýshi onyń synyptasy bolatynyn, oqıǵa bolǵan kúni onymen araq iship áńgimelesip otyrǵandaryn, keıin olarǵa taǵy bir synyptastary qosylǵanyn, úsheýi monshada ishimdik ishkenderin, jábirlenýshimen renjispegenin, ony urmaǵanyn, jábirlenýshi dalaǵa shyqqanda mastyqpen óziniń aıaǵyna shalynyp artqa qaraı qatty qulaǵanyn aıtyp jaýap bergen.
Kýágerler men sot medısınalyq-krımınalıstıkalyq saraptamasynyń qorytyndysyna saı, jábirlenýshiniń dene jaraqaty, tergeý synaǵy barysynda kórsetken mán-jaıda alyný múmkindigi joqqa shyǵarylmaıtynyn kórsetken.
«Jergilikti sottar Týktarovqa jábirlenýshige abaısyzda onyń ólimine ákep soqtyrǵan aýyr dene jaraqatyn keltirgeni úshin taǵylǵan aıyptar boljamǵa negizdelgen jáne onyń osy qylmysty jasaýdaǵy kinási dáleldenbegen degen durys qorytyndyǵa kelgen. Osyǵan baılanysty, Týktarovty aqtaý jónindegi sot aktileri kúshinde qaldyryldy. О́zge adamdy qylmystyq jaýaptylyqqa tartý máselesin sheshý úshin isti prokýrorǵa joldaý týraly ózgeris engizildi», delingen Joǵarǵy sot habarlamasynda.
