Táýeldi adamǵa ol baqyt, jeńildik, demalys sııaqty sezilgenmen, bir-aq sátte adamnyń barlyq bolmysyn baýrap alatyn ıllıýzııa. Alaıda ıllıýzııanyń ar jaǵynda turǵan bir ǵana shyndyq bar – ol ózińdi, ómirdi joǵaltý. Sol úshin jastarǵa úndeý joldap, zııan áreketten aýlaq bolýǵa shaqyramyn.
Árkez esirtkige «joq!» dep aıtýdy maqsat tutyp, qylmystyń aldyn alýǵa úles qosýymyz kerek. Qasirettiń aldyn alyp, jaqyndarymyz ben joldastardy qaýipten qutqarý múmkindigi baryn umytpaıyq. Sonda ǵana álem ózgerip, meıirim shýaǵy shartarapqa taraıtyny sózsiz. Jalyndaǵan jastyqtyń etalony, úlgi tutar Ǵanı Muratbaev atamyz «Zamannyń tutqasy – jastar» dep aıtyp ketkenin bilemiz. Nemese Maǵjansha aıtsaq, «Biz jastarǵa senemiz». Endi esirtkiniń býyna masaıyp, qan men jandy tarazyǵa salyp, urpaqtaryna jerin, tarıhyn saqtap qalǵan babalardyń amanatyna qııanat etpeıik. Erteńin oılaǵan elde esirtkige jol joq!
Qyzylorda oblysy Qazaly aýdany
№ 226 mektep-gımnazııasynyń
8 «A» synyp oqýshysy
Ińkár ShAKIZADA
