Foto: astanatv.kz
Demek moped ıeleri osy merzimge deıin ony tirkep, júrgizýshi kýáligin alýy kerek.
Júrgizýshi mopedti aıdaý úshin:
- polısııada tirkelip;
- A1, A nemese V sanatyndaǵy júrgizýshi kýáligin alyp;
- tehnıkalyq tekserýden jáne azamattyq jaýapkershilikti saqtandyrýdan ótýi qajet.
Ishki ister mınıstrliginiń málimetinshe, moped ıesi tirkeýden ótý úshin turǵylyqty jeri boıynsha arnaıy HQKO-ǵa myna qujattardy alyp barýy kerek:
- jeke kýálik (elektrondy túrde bolýy múmkin);
- mopedtiń tehnıkalyq qujaty nemese sıpattamalary.
Keıin ótinishti toltyryp, mopedti tekseristen ótkizip, qajetti memlekettik bajdar tólenýi tıis.
«5 sáýirden bastap tirkelmegen mopedterdi paıdalanýǵa, júrgizýshi kýáliginsiz júrýge tyıym salynady. Osy sıpattaǵy buzýshylyqtardy boldyrmaý úshin mopedti aldyn ala tirkep, júrgizýshi kýáligin alýdy usynamyz», dedi IIM ákimshilik polısııa komıtetiniń erekshe tapsyrmalar jónindegi aǵa ınspektory Araı Tólegenqyzy.
