Sharýashylyq • 21 Qańtar, 2025

Elimizde qurama jem jáne premıks óndiretin tórt zaýyt salynady

80 ret

kórsetildi

1 mın

oqý úshin

Aýyl sharýashylyǵy mınıstri Aıdarbek Saparov UBM Group kompanııasynyń dırektorlar keńesiniń tóraǵasy Akosh Vargamen kezdesti. Taraptar agroónerkásip salasyndaǵy ekijaqty yntymaqtastyqtyń ózekti máselelerin talqylady, dep habarlaıdy Egemen.kz.

Baıan SÚLEIMENQYZY

Elimizde qurama jem jáne premıks óndiretin tórt zaýyt salynady

foto: AShM

Kezdesýge Vengrııanyń Qazaqstan Respýblıkasyndaǵy Tótenshe jáne О́kiletti Elshisi Otto Ivan Rona, kompanııa ókilderi de qatysty.

Taraptar agroónerkásip salasyndaǵy ekijaqty yntymaqtastyqtyń ózekti máselelerin talqylady.
UBM Group Qazaqstannyń birqatar óńirlerinde qurama jem jáne premıks óndirý boıynsha jobalardy iske asyrýǵa nıetti. Buǵan deıin bul týraly negizdemelik kelisim memleket Basshysy Qasym-Jomart Toqaevtyń Vengrııaǵa sapary barysynda jasalǵan bolatyn.

2025-2028 jyldar aralyǵynda kompanııa Qostanaı, Aqmola jáne Túrkistan oblystarynda qurama jem óndiretin úsh zaýyttyń, sondaı-aq Almaty oblysynda premıks óndiretin zaýyttyń qurylysyna shamamen 83 mln AQSh dollaryn ınvestısııalaýdy josparlap otyr.

Aıdarbek Saparov mınıstrlik jobalardy iske asyrýǵa tolyq kómek kórsetetinin atap ótti.

Kezdesý sońynda qatysýshylar osy baǵyttaǵy birlesken kúsh-jiger elder arasyndaǵy saýda-ekonomıkalyq yntymaqtastyqty keńeıtýge jańa serpin beretinine senim bildirdi.