Tatýlyq pen turaqtylyq – tynyshtyq tuǵyry

Elbasy Nursultan Nazarbaev halyqty Birlik merekesimen quttyqtady Keshe elordadaǵy «Qazaq eli» monýmenti aldyndaǵy alańda 1 mamyr – Qazaqstan halqynyń birligi kúni merekesine oraı «Nurly Jol – jeńis joly» atty merekelik shara ótti. Oǵan Memleket basshysy Nursultan Nazarbaev qatysty. Merekelik jıynda sóz alǵan Elbasy alańǵa jınalǵan jurt­shylyqty Qazaqstan halqynyń birligi kúnimen quttyqtaı kele, ótken saılaýda el azamattary ózderi­niń kúsh-jigeri men birligin búkil álemge tanytqanyn atap kórset­ti.  «Kópetnosty halyqtyń tutas­tyǵy men turaqtylyǵy arqa­synda Qazaqstan zor tabystarǵa jetti. El aldynda turǵan mindet­ter­di oryndaý úshin birlikti saq­taý ke­rek», – dedi Nursultan Nazar­baev. Qazaqstan Prezıdenti, sondaı-aq, kórsetken senimi men qoldaýy úshin barsha halyqqa alǵysyn bildirdi. «Meni qoldaǵan barlyq qa­zaq­standyqtarǵa alǵys aıtqym keledi. Maǵan osy kúnderi elimiz ben álemniń san tarapynan, túr­li sala ókilderinen myńdaǵan qut­tyqtaý hattar men jedelhattar, telefon qońyraýlary kelip túsýde. Bárine úlken rahmet aıtamyn. Halyqqa qyzmet etý – uly mártebe. Men ózimdi osy jumysqa arnaǵan adammyn jáne Qazaqstannyń alǵa ilgerileýi úshin, bizdi búkil álem qurmetteýi úshin jáne el aldynda turǵan mindetterdi tabysty júzege asyrý úshin bárin jasaıtyn bolamyn. Biz muny eldiń jáne bolashaq urpaqtyń aldyndaǵy paryzymyzdy oryndadyq dep aıtý úshin atqarýǵa tıispiz», – dedi Mem­leket basshysy. Sóziniń sońynda Nursultan Na­zarbaev barsha qazaqstandyqqa baq-bereke jáne tabys tiledi. Merekelik shara aıa­synda, sonymen qatar, konserttik baǵdar­lama uıymdastyryldy. Oǵan «MýzART», «Alashuly» toptary, Ardaq Balajanova, Marjan Arap­baeva, Almas Kishkenbaev, Súndet Baıǵojın, Ásel Sádýaqasova, Dıana Sharapova, Evgenıı Gartýng sekildi Qazaqstannyń estrada óner­pazdary qatysty. Jınalǵan qaýymǵa elordanyń jáne respýb­lıkanyń shyǵarmashylyq ujym­dary, onyń ishinde Astana qalasy Memlekettik akademııa­lyq fı­lar­monııasynyń ókilderi, elordalyq sırk, «Jastar», Qýyr­shaq jáne Kóńil­di tapqyrlar klýbynyń teatr­lary, «Naz» memlekettik bı teatry óner kórsetti. Birlik kúnin atap ótý úshin As­tanaǵa óńirlik etnomádenı bir­lestikterdiń ókilderi de arnaıy kelipti. Olardyń arasynda Sol­tústik Qazaqstan, Mańǵystaý, Qos­tanaı, Qaraǵandy, Pavlodar ob­lys­tarynyń óner ujymdary bar. «Qazaq eli» monýmenti alańy­nyń aýmaǵynda merekege oraı et­noaýyldar tigilip, ol jerlerde elordanyń ǵana emes, basqa da qalalardyń etnomádenı bir­les­tikteri óz ultynyń mádenıetin, bolmysyn, dostyq dástúri men qo­naqjaılylyǵyn pash etti. Birlik kúnine arnalǵan kon­serttik baǵdarlamalar men halyq­tyq serýender, sonymen qatar, Astananyń «Báıterek» moný­menti, elordalyq ákimdik aldyn­daǵy alańdarda, Ǵashyqtar jáne Stý­dentter saıabaqtarynda, «Jastar teatry» aldynda jáne Esil ózeni jaǵalaýynda uıymdastyrylyp, qala turǵyndary men qonaqtaryna merekelik kóńil kúı syılady. Láıla EDILQYZY, «Egemen Qazaqstan». Sýretterdi túsirgender S.BONDARENKO, B.OTARBAEV.