Májilis fraksııalarynyń jetekshilerimen kezdesti

Jıynǵa «Amanat» partııa­sy fraksııasynyń jetekshisi El­nur Beısenbaev, «Aýyl» partııa­sy fraksııasynyń jetekshisi Serik Egizbaev, «Respublica» partııa­sy frak­sııasynyń jetekshisi Aıdar­bek Qojanazarov, «Aq jol» Qazaq­stan demokratııalyq partııasy frak­­sııa­sy­nyń jetekshisi Azat Pe­rýa­shev, Qazaq­stan Halyq partııasy frak­sııa­synyń jetekshisi Magerram Mager­ramov, Jalpyulttyq so­sıal-demo­kratııalyq partııasy frak­­­sııasynyń jetekshi­si Ashat Raqym­janov, sondaı-aq Prezı­denttiń Par­la­menttegi ókildiginiń basshysy Ámirbek Ospanbekov qatysty.

Kezdesý barysynda Erlan Qarın Memleket basshysynyń Ulttyq quryl­taı aıasyndaǵy bastamalaryn júzege asyrýǵa belsendi qoldaý kórsetkeni úshin partııalardyń fraksııalaryna alǵys aıtty. Atyraýdaǵy Quryltaıda aıtylǵan usynystardy júzege asyrý úshin 9 zań qabyldandy. Olardyń qatarynda áıelderdiń quqyqtaryn, balalardyń qaýipsizdigin qamtamasyz etý; veıpterge, shegýge kelmeıtin temeki ónimderine tyıym salý jónin­degi zańdar; sondaı-aq memleket­tik nagradalarǵa; onomastıkaǵa; ny­shan­dardyń biryńǵaı standartyna; oıyn bıznesi, lotereıa jáne lotereıa qyzmeti máselelerine; vandalızmge jáne tabıǵı nysandardy qorǵaýǵa; qurmetti ataqtarǵa; esirtki ónimderimen aınalysatyn adamdardyń, sonymen qatar ony jasyryn jetkizýshilerdiń jaýapkershilik jigin bólýge qatys­ty túzetýler men tolyqtyrýlar bar. Mem­lekettik keńesshi atalǵan zańdar ishki saıasatqa baılanysty jumystyń tıimdiligin arttyrýda mańyzdy ról atqaratynyn atap ótti.

Sondaı-aq jıynǵa qatysýshylar Memleket basshysynyń «Ana tili» gazetinde jaryq kórgen suhbatynda aıqyndaǵan ishki saıasat salasyndaǵy bıylǵy jumystyń baǵyt-baǵdary týraly pikir almasty.