Túski saǵat 14.00-16.00 aralyǵynda 500-den asa kólikke kómek kórsetildi. Boran kúsheıip, kólikpen jol kórsetý múmkin bolmaı qalǵan shaqta Ulytaý oblysy polısııa departamentiniń Patrýldik polısııa rotasynyń qyzmet ınspektory, polısııa aǵa leıtenanty Ábdibek Darhan Sándibekuly tyń sheshim qabyldady.
Ol qyzmet kóliginen shyǵyp, keptelip turǵan kólikterdiń aldyna túsip, jaıaý júrip jol bastady. Sonyń arqasynda kólikter jol boıynda turyp qalǵan joq. Jol ınspektorynyń bul áreketine jolaýshylar óte rıza bolysty. Olar qazir Darhandy marapattaý týraly joǵary basshylyqqa usynys bildirip jatyr. Ol memlekettik avtoınspeksııa júıesinde 2015 jyldan beri qyzmet atqaryp keledi eken.
«Keshegi boran sondaı qatty boldy. Adamdar qansha eskertý jasalǵanyna qaramastan jolǵa shyǵyp ketedi. Al, qandaı jaǵdaı bolsa da olarǵa kómektesýge mindettimiz. Men sol mindetimdi oryndadym», deıdi D. Ábdibek.
