Jarqyn jeńisimen quttyqtady

* Prezıdent pochtasynan Qazaqstan Prezıdenti Nursultan Nazarbaevtyń atyna memleket, úkimet basshylarynan, halyqaralyq uıymdardyń jetekshilerinen saılaýdaǵy jeńisine baılanys­ty quttyqtaýlar áli de kelip jatyr Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty BUU Bas hatshysy Pan Gı Mýnnan quttyqtaý jedelhaty kelip tústi, dep habarlady Prezıdenttiń baspasóz qyzmeti. Pan Gı Mýn Nursultan Nazarbaevty laýazymyna resmı kirisýimen quttyqtady. «Qazaqstan men BUU kóptegen salalarda tyǵyz ári jan-jaqty qarym-qatynas ornatty. Bizdiń qarym-qatynastarymyz Qazaqstan halqynyń jáne búkil óńirdiń ıgiligi úshin budan ári de damı beredi dep úmittenemin», – delingen jedelhatta. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Lıýksembýrg Premer-mınıstri Ksave Bettelden quttyqtaý jedelhaty kelip tústi, dep habarlady Prezıdenttiń baspasóz qyzmeti. Ksave Bettel Lıýksembýrg Uly Gersogtigi Úkimetiniń jáne jeke óziniń atynan Nursultan Nazarbaevty prezıdenttik saılaýdaǵy jeńisimen quttyqtady. «Elderimizdiń arasyndaǵy qarym-qatynastardy nyǵaıtý maqsatynda  Sizben jáne Sizdiń Úkimetpen birlesken jumysty jalǵastyra beretinime qýanyshtymyn. О́zara múddelestik tanytqan ekijaqty máselelerdi meniń Astanaǵa mamyr aıynda bolatyn saparym kezinde Sizben talqylaý múmkindigin taǵatsyzdana kútýdemin», – delingen jedelhatta. Lıýksembýrg Premer-mınıstri Qazaqstan Prezıdentine jaýapty laýazymdaǵy jumysyna tabys tiledi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Italııa Prezıdenti Serdjıo Mattarelladan quttyqtaý jedelhaty kelip tústi, dep habarlady Prezıdenttiń baspasóz qyzmeti. S.Mattarella Italııa halqynyń jáne jeke óziniń atynan Nursultan Nazarbaevty jeńisimen quttyqtady. «Qazaqstan men Italııa arasyndaǵy dástúrli energetıka jáne basqa da salalardaǵy jemisti yntymaqtastyǵymyzdyń baǵyty durys. Qazaqstan Sizdiń basshylyǵyńyz arqyly Eýropalyq odaqpen qarym-qatynastaryn, sondaı-aq, Astana men Rım arasyndaǵy baılanystardy nyǵaıtýdy jalǵastyratynyna senemin», – delingen quttyqtaýda. Italııa Prezıdenti Nursultan Nazarbaevqa jáne búkil elimizge baq-bereke tiledi. Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Sıngapýr Respýblıkasynyń Prezıdenti Tonı Tan Keng Iаmadan quttyqtaý jedelhaty kelip tústi, dep habarlady Prezıdenttiń baspasóz qyzmeti. Sıngapýr Prezıdenti el halqynyń jáne jeke óziniń atynan Nursultan Nazarbaevty jeńisimen quttyqtady. «Sıngapýr men Qazaqstan arasynda jaqsy dostyq qarym-qatynas ornaǵan. Sizdiń basshylyǵyńyzben ekijaqty yntymaqtastyqtyń nyǵaıa beretinine senimdimin. Halyqtarymyzdyń ıgiligi úshin ózara yqpaldastyqty damytý maqsatynda birlesip jumys isteımiz dep úmittenemin», – delingen jedelhatta. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Izraıl Memleketiniń eks-prezıdenti Shımon Peresten quttyqtaý jedelhaty kelip tústi, dep habarlady Prezıdenttiń baspasóz qyzmeti. Sh.Peres  Nursultan Nazarbaevtyń memleket ıgiligine arnalǵan kópjyldyq qyzmeti kóshbasshylyqtyń úlgisine aınalǵanyn atap ótti. «Sizdiń óz elińizge degen adaldyǵyńyz Qazaqstandy terrıtorııasy úlken memleketten mazmuny baı elge aınaldyrdy, – delingen jedelhatta. Izraıldiń eks-prezıdenti Qazaqstan Prezıdentiniń eńbegi men jumsaǵan kúsh-jigeriniń nátıjesin halyqtyń laıyqty baǵalaǵanyn aıtty. Sh.Peres elimizdiń tatýlyǵy men órkendeýine tilektestigin bildirdi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Pákistan Islam Respýblıkasynyń Premer-mınıstri Muhammad Navaz Sharıften quttyqtaý jedelhaty kelip tústi, dep habarlady Prezıdenttiń baspasóz qyzmeti. M.N.Sharıf Pákistan Úkimeti men jeke óziniń atynan quttyqtaýynda Nursultan Nazarbaevtyń prezıdenttik saılaýdaǵy aıqyn jeńisi men saılaýshylardyń joǵary belsendiligi Qazaqstan halqynyń óz Kóshbasshysynyń el memlekettiligin tabysty damytýdaǵy eńbegin halyqtyń daýsyz moıyndaıtynyn, sondaı-aq jasampaz ári kóregen saıasatqa degen senimniń joǵary deńgeıin aıǵaqtaıtynyn atap ótedi. Pákistan Premer-mınıstri Qazaqstan Prezıdentiniń eldiń turaqtylyǵy men damýyn qamtamasyz etýge baǵyttalǵan kúsh-jigerin atap ótti. «Siz usynǵan bes reforma ekonomıkanyń odan ári ósýine, orta taptyń nyǵaıýyna, Qazaqstan halqy birliginiń kúsheıýine, eldiń órkendeýi men halyqaralyq arenadaǵy bedeliniń artýyna septigin tıgizetinine senimdimin», – delingen quttyqtaýda. M.N.Sharıf Qazaqstan men Pákistan qarym-qatynastary dástúrli dostyq, tarıh, mádenıet jáne baýyrlastyqtyń kópǵasyrlyq baılanystaryna negizdelgenin aıtty. «Elderimizdiń arasynda ózara tıimdi yntymaqtastyq úshin zor áleýet bar. Ekijaqty yntymaqtastyqtyń ózara múddeliligi bar naqty máselelerin Sizben birge talqylaý múmkindigin taǵatsyzdana kútemin», – delingen jedelhatta. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Brýneı Darýssalam Memleketiniń Sultany Hassanal Bolkıahtan quttyqtaý jedelhaty kelip tústi, dep habarlady Prezıdenttiń baspasóz qyzmeti. H.Bolkıah Nursultan Nazarbaevty Qazaqstan Prezıdenti laýazymyna qaıta saılanýymen quttyqtap, jumysyna tabys tiledi. Brýneı Sultany eki eldiń ıgiligi úshin ynty­maq­tas­tyqty odan ári nyǵaıta túsýge múddeliligin tanytty. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Palestına Memleketiniń Prezıdenti Mahmýd Abbastan quttyqtaý jedelhaty kelip tústi, dep habarlady Prezıdenttiń baspasóz qyzmeti. Mahmýd Abbas Palestına Úkimeti men halqynyń atynan Nursultan Nazarbaevty prezıdenttik saılaýdaǵy jeńisimen shyn júrekten quttyqtady. «Biz Qazaqstan Respýblıkasymen barlyq saladaǵy yntymaqtastyǵymyz ben týysqandyq nıettestigimizdi nyǵaıtý jáne damytý, eki el halqynyń múddesi úshin qarym-qatynastarymyzdy odan ári jańǵyrtýdy jalǵastyra berý jolyn ustanatynymyzdy taǵy da aıtamyz», – delingen jedelhatta. Sońynda Palestına Prezıdenti Memleket basshysyna myqty densaýlyq pen baqyt tilep, Qazaqstan halqynyń ilgerileýi men ósip-órkendeýine nıettestik bildirdi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty Úndistan Res­pýb­lıkasynyń Prezıdenti Pranab Mýkerdjıden quttyqtaý jedelhaty kelip tústi, dep habarlady Prezıdenttiń baspasóz qyzmeti. P.Mýkerdjı Nursultan Nazarbaevty Qazaqstan Prezıdenti laýazymyna qaıta saılanýymen quttyqtady. «Sizdiń saılaýdaǵy jeńisińiz – Qazaqstan halqynyń О́zińizge degen zor seniminiń aıǵaǵy. Qazaqstandy myqty ári órkendeýshi memleketke aınaldyrýǵa baǵyttalǵan qajyrly eńbegińiz óz jemisin beretinine senimdimin», – delingen hatta. Úndistan Prezıdenti ortaq múddelilik bar birneshe salada ózara tıimdi qarym-qatynastardyń ornyqqanyna qanaǵattanatynyn jetkizdi. Ol sondaı-aq Úndistannyń ekijaqty strategııalyq seriktestikti nyǵaıtý jónindegi jumystardy jalǵastyratynyna sendirdi. Sońynda P.Mýkerdjı Qazaqstan Prezıdentine myqty densaýlyq jáne tabys tilep, elimizdiń damýy men órkendeýine nıettestik bildirdi. * * * Nursultan Nazarbaevtyń atyna onyń Qazaqstan Respýblıkasynyń Prezıdenti bolyp saılanýyna baılanysty  Venesýela Prezıdenti Nıkolas Madýrodan quttyqtaý jedelhaty kelip tústi, dep habarlady Prezıdenttiń baspasóz qyzmeti. Nıkolas Madýro Venesýela Úkimetiniń jáne jeke óziniń atynan Nursultan Nazarbaevty Qazaqstan Respýblıkasynyń Prezıdenti laýazymyna qaıta saılanýymen quttyqtady. «Venesýela Bolıvarıan Respýblıkasynyń halqy men Úkimeti Ortalyq Azııa halyqtarymen, ásirese Qazaqstan Respýblıkasymen kóppolıarly jáne kóportalyqty álemdik tártip qurý baǵytyndaǵy birlesken jumysty jalǵastyrýǵa nıettes ekenin bildiredi», – delingen jedelhatta.