MTAJO portfelinde QR PIB júıesindegi vedomstvolyq uıymdar jumysshylarynyń soft jáne hard skills, sıfrlyq jáne kásibı daǵdylaryn damytýǵa baǵyttalǵan onlaın jáne kúndizgi oqý formattaryndaǵy 70-ten astam bilim berý sheshimi bar. Naryqty zertteý boıynsha kýrs ta olardyń qatarynda.
Naryqtyq taldaý degen ne?
Naryqtyq taldaý — tıimdi strategııalar ázirleý maqsatynda naryq, básekelester jáne tutynýshylar týraly málimetterdi jınaý, óńdeý jáne taldaý prosesi. Ol bızneske maqsatty aýdıtorııasy úshin ne mańyzdy ekenin, ol qandaı máselelerin sheshkisi keletinin jáne ónim nemese qyzmet bul qajettilikterdi qalaı qanaǵattandyra alatynyn túsinýine kómektesedi.
Klıentter týraly málimetterdiń mańyzy
Zamanaýı kompanııalar óz klıentteri týraly demografııalyq aqparattar bastap saıttaǵy áreketine taldaýǵa deıingi aýqymdy málimetterge ıe. Bul málimetterdi kelesiler úshin paıdalanýǵa bolady:
- derbestendirilgen qosymshalar ázirleý;
- qyzmet kórsetý sapasyn jaqsartý;
- marketıngtik kampanııalardy ońtaılandyrý;
- jańa ónimderdi ázirleý.
McKinsey zertteýine sáıkes, málimetterdi sheshim qabyldaýǵa paıdalanatyn kompanııalar tabysyn básekelesterge qaraǵanda 5-10% arttyryp, shyǵyndaryn 15-25% qysqartady.
Málimetterdi taldaýǵa arnalǵan quraldar
Klıentter týraly málimetterge taldaý jasaýǵa arnalǵan kóptegen quraldar bar, olardyń qatarynda:
- CRM-júıeler. Klıentter týraly aqparatty basqarýǵa, brendpen ózara qyzmetti baqylaýǵa jáne olardyń áreketin taldaýǵa kómektesedi.
- Veb-analıtıka júıeleri. Google Analytics syndy júıelerdiń qoldanýshylardyń saıtpen qalaı ózara áreket etetinin baǵalaýǵa múmkindigi bar.
- Aýqymdy málimetterdi óńdeýge arnalǵan platformalar. Mysaly, Apache Hadoop jáne Microsoft Power BI.
- Saýalnamalar jáne fokýs-toptar. Klıenttermen tikeleı ózara áreket olardyń ne qalaıtyndary men ne kútetinderi týraly baǵaly aqparat beredi.
Naryqtyq taldaýdy bıznes-prosesterge qalaı endirýge bolady?
- Maqsattardy aıqyndańyz. Qandaı problemany sheshkińiz keletinin nemese qandaı nátıjege qol jetkizgińiz keletinin naqtylańyz.
- Málimetterdi jınańyz. Klıentter týraly aqparat jınaýǵa arnalǵan qoljetimdi quraldar men derekkózderdi paıdalanyńyz.
- Málimetterdi taldańyz. Zańdylyqtar men ınsaıttardy anyqtaý úshin analıtıkalyq quraldardyń qoldanyńyz.
- Strategııany ázirleńiz. Jınalǵan málimetter negizinde jumys josparyn quryńyz.
- Testileńiz jáne ońtaılandyryńyz. О́zgeristerdi engizińiz, olardyń nátıjelerin baqylańyz jáne tásildi túzetińiz.
Naryqty segmentteýdiń mańyzy
Naryqty segmentteý sátti naryqtyq taldaý jasaýda negizgi rólge ıe. Aýdıtorııany túrli — demografııalyq, geografııalyq, árekettik nemese psıhograftyq belgileri boıynsha toptarǵa bólý arqyly kompanııalar barynsha maqsatty usynystar jasaýǵa múmkindik alady. Mysaly, bir jarnamalyq kampanııany erler men áıelder, jastar men zeınetkerler, iri qalalar turǵyndary men shaǵyn eldi mekenderde turatyn ártúrli qabyldaýy múmkin.
Segmentteý kelesilerge múmkindik beredi:
- Kampanııanyń dáldigin arttyrý esebinen marketıng shyǵyndaryn azaıtý.
- Derbestendirilgen tásil arqyly klıentterdiń qanaǵattaný deńgeıin arttyrý.
- Árbir segmentke biregeı usynystar jasaý arqyly básekelesterdi basyp ozý.
Trendterge boljam jasaý
Naryqtyq taldaý klıentterdiń aǵymdaǵy qajettilikterin anyqtap qana qoımaı, bolashaqta ne kútetinin boljaýǵa da múmkindik beredi. Aýqymdy málimetterdi taldaý, áleýmettik jelilerdi zertteý jáne satyp alýshylardyń áreketine monıtorıng jasaý kompanııalarǵa óz strategııalaryn trend buqaralyq deńgeıge shyǵyp ketkennen áldeqaıda buryn beıimdeýge jol ashady.
Oǵan turaqty tutynýshylyqqa qyzyǵýshylyqtyń artyp kele jatqany mysal bola alady. Ekologııalyqty óz strategııasyna birinshilerdiń qatarynda qosqan kompanııalar klıentterdiń senimin jaýlap, naryqtaǵy óz úlesin arttyrdy.
Málimetterdi turaqty túrde jańartyp otyrý
Naryqtyq taldaý bir rettik shara emes. Árdaıym básekege qabiletti bolý úshin kompanııalar málimetterin turaqty túrde jańartyp, óz strategııasyna beıimdep otyrýy tıis. Bul ásirese jyldam ózgerip jatqan álem jaǵdaıynda mańyzdy, búginde klıentterdiń qalaýy birneshe aı ishinde ózgerip ketýi múmkin.
AI jáne mashınalyq oqý syndy avtomattandyrý quraldary málimetterdi tap qazirgi rejımde óńdep, áp-sátte strategııaǵa beıimdeýge jol ashty, bul bızneske aıtarlyqtaı basymdyq beredi.
Naryqtyq taldaý — klıentter týraly bilimdi sátti jobaǵa aınaldyrýǵa arnalǵan qýatty quraly. Málimetterdi saýatty paıdalanatyn kompanııalar biregeı ónimder jasap, qyzmet kórsetýdi jaqsartyp, básekelesterin basyp oza alady. Sıfrlandyrý jáne aýqymdy málimetter dáýirinde taldaý múmkindikterin elemeý — ósý men damý múmkindiginen qur qalýmen teń.
