Qoǵamdyq prosesterdi zertteý ortalyǵynyń sarapshysy Damır Belgibaev búgingi ótken Úkimettiń keńeıtilgen otyrysynda kóptegen máselelerdiń qozǵalǵanyn, onyń ishinde, týrızm, agrosharýashylyq, ınvestısııa tartý máselelerine asa kóńil bólingendigin atap ótti.
«Memleket basshysynyń qatysýymen ótken Úkimettiń keńeıtilgen otyrysynda «Qazaqstan óziniń qarjylyq problemalaryn qalaı sheshedi?» degen basty saýal turdy. Onyń sheshimderi Prezıdenttiń bastamasymen aıtyldy. Jalpy, 2024 jyly el ekonomıkasyn artqa tartqan birneshe jaǵdaılar boldy. Sonyń biri – tasqyn sý apaty. El ekonomıkasy, árıne, bıýdjettiń kiris bóligi sanalatyn salyq esebinen qaıta tolatyny belgili. О́tken jyly osy baǵytta úlken máseleler baıqaldy, mysaly, byltyr respýblıkalyq bıýdjette 12 trln-nan astam salyq jınalǵanymen bul jospardan az bolyp shyqty. Sonymen qatar, basqa da bıýdjet shyǵyndary kiristerge qaraǵanda ósip keledi, sebebi, biz áleýmettik memleketpiz. Bul jerde kóptegen áleýmettik tólemder bar. Munyń barlyǵyn qaıta toltyrý – salyq reformasyn qaıta qaraý qajettiligin kórsetedi», deıdi sarapshy.
Prezıdent tapsyrmalarynyń basty maqsaty – elimizdiń ekonomıkalyq-áleýmettik turaqtylyǵyn qamtamasyz etý, sondaı-aq sapaly damýdy jedeldetý ekeni belgili.
«О́tken jyly 2029 jylǵa deıin Qazaqstan ekonomıkasynyń kólemin 450 mlrd dollarǵa deıin jetkizý maqsaty qoıylǵan edi. Bul árıne strategııalyq maqsat. Osy maqsatty ary qaraı jalǵastyrý, sondaı-aq halyqtyń tabysyn arttyrý úshin búgingi berilgen tapsyrmalardy naqty oryndaý – Úkimettiń basty mindeti», deıdi ol.
Sarapshynyń aıtýynsha, Qazaqstan – orta derjavaly áleýeti joǵary memleket. Sondyqtan ınvestısııa tartý máselesinde sheteldik bolsyn, otandyq bolsyn ınvestorlardy qoldaý úshin jeńildikter jasaý qajet. Sonymen qatar, jańa ekonomıkaǵa serpin beretin krıptavalıýta, onlaın saýda, jasandy ıntellekt – zamanaýı kreatıvti oılardy damytatyn, el ekonomıkasyna túrtki bolatyn salalar.
«Eýrazııanyń júregi sanalatyn Qazaq jeri óte qolaıly ornalasqan. Sol áleýetimizdi paıdalanyp ınfraqurlymdy, ıaǵnı, Shyǵys pen Batysty baılanystyratyn joldardy salý jáne olardy joǵary deńgeıde ustap otyrý el ekonomıkasynyń damýyna sebep bolatyn alǵysharttardyń biri. Sonymen qatar el ekonomıkasynyń taǵy bir retteýshi salasy – aýyl sharýashyly. Bıyl Aýyl sharýashylyǵy mınıstrligi tapsyrmalardy 12 paıyzǵa artyq oryndaǵanymen bul sala da damýdy talap etedi.
Sonymen qatar ınvestısııalyq shtabtyń mindetin qaıta qaraý – Úkimettiń eń basty máselesi retinde qarastyryldy. Prezıdent bıýrokratızmniń Úkimet jumysyna kedergi keltirip otyrǵanyn, sondaı-aq ol úshin aldaǵy ýaqytta júıeli ustanymdar men jedel áreketter qajet ekendigin aıtty», deıdi D. Belgibaev.
Onyń aıtýynsha, jalpy, Úkimettiń jumysy «qanaǵattandyrarlyq» dep baǵalanǵanymen Prezıdent bolshaqta aıtarlyqtaı jumys isteý qajettigin atap ótti. Memlekettik qyzmetkerler jańashyldyqtan qoryqpaı qyzmet atqarýy qajet.
