El damýynyń basym baǵyttary

Dúnıejúzi túbegeıli ózgeris­ke ushyrap jatqan qazirgi ýaqyt­ta ekonomıkalyq damýǵa aıryq­sha nazar aýdarylyp otyr. Bul rette, eń aldymen, ekonomıkany ártaraptandyrý jáne orta býynǵa jatatyn kóshbasshy kom­panııa­lar shoǵyryn qalyp­tas­tyrý ar­qy­ly óńdeýshi óner­kásipti damytý – mańyzdy mindet.

Sonymen qatar Memleket basshysy jıyn barysynda ekono­mı­kanyń mańyzdy salalaryna qosymsha jeke ınvestısııalar tartý qajet ekenin atap ótti. Osy­ǵan baılanysty sapaly ınves­tı­sııa ákeletin jaýapkershiligi joǵary ınvestorlarǵa qosymsha jeńildikter berý máselesi qaras­ty­rylady. Sondaı-aq shaǵyn jáne orta bıznestiń damýyna múmkindik beretin nesıeleý ju­my­syn belsendi júrgizý qajet ekeni aıtyldy.

Elimizdiń kólik-logıstıkalyq ınfraqurylymyna qatysty serpindi bastamalar da jarııa­landy. Osy oraıda mýltımo­dal­dy kólik toraptaryn, temir­­jol dálizin damytý jáne halyq­ara­lyq áýe habyn qurý aýqymdy báse­kedegi bizdiń orasan zor ar­tyq­shylyǵymyz bolatyny sóz­siz.

Energetıka salasynda aldymyzda jańartylatyn energııa kózderiniń úlesin arttyrý mindeti tur. Bul rette atom óner­kásibin belsendi damytýdy jalǵastyryp, bolashaqta eli­mizde ıadrolyq klaster qurý­ǵa múmkindik beretin batyl qadamdar jasaý qajettiligi kún ótken saıyn ózekti bolyp keledi.

Prezıdentimiz atap ótkendeı, bú­ginde sıfrlandyrý jáne ja­san­dy ıntellektini damytý aıryq­sha mánge ıe. Aldaǵy ýaqyt­ta jasandy ıntellekt qu­ral­da­ryn memlekettik organdar men ulttyq kompanııalardyń jumysynda paıdalaný basqarý úderisiniń ashyqtyǵy men tıim­diligin arttyra túsetini sóz­siz.

Sondaı-aq Memleket basshy­sy agroónerkásip keshenin damy­tý­ǵa aıryqsha nazar aýdarý kerek ekenin aıtty. Fermerlerdi jeńildikpen nesıe berý, kóbi­rek tabys ákeletin dándi-da­qyl­ǵa kóshý jáne shıkizatty saqtaý jáne ony tereń óńdeý múm­kindikterin arttyrý arqyly qol­daý aýyl shar­ýa­shylyǵyn jańa ónimdilik deń­­geıine kóterý­ge jol ashady.

Otyrysta Prezıdent mem­le­ket­tik apparat jaýapkershilikke jáne azamattardyń ótinishterine jedel den qoıýǵa negizdelip, tıim­di jumys isteý kerek ekenine de toq­­taldy. Bul – «Halyq únine qu­laq asatyn memleket» tujy­­rym­da­masyn iske asyrý jolyn­da­ǵy mańyzdy qadam.

Sonymen qatar sapaly bilim­niń qoljetimdiligine, densaý­lyq saqtaý isin jańǵyrtýǵa jáne jańa, suranysqa ıe jumys oryndaryn qa­lyp­tastyrýǵa mán berilip, áleý­­­mettik saladaǵy mańyzdy ba­sym­­­dyqtar belgilendi.

Parlament Senaty Mem­leket basshysynyń reformalar baǵdaryn zańnamalyq tur­ǵy­dan qamtamasyz etý úshin qa­jet­ti jumysty jalǵastyra beredi. Sonyń aıasynda aldaǵy ýaqyt­ta bıznes qoǵamdastyq ókil­de­rimen jáne barlyq múddeli tarappen birge jańa Salyq jáne Bıýdjet kodeksterin ázir­lep, talqylaımyz. Mindetti áleý­met­tik medısınalyq saqtan­dyrý júıesin jáne el ekono­mıkasynyń túrli salalaryn damytýǵa arnal­ǵan zańna­malyq sharalardy je­til­dirý boıynsha da keshendi is qol­ǵa alynady.

Prezıdent júktegen min­det­­ter­di sapaly ári ýaq­tyly iske asyrý elimizdiń jańa eko­nomıkalyq jáne ındýs­trııa­­lyq kelbetin qa­lyp­tas­ty­­rady. Memleket bas­shy­sy belgilep bergen basym baǵyt­tardyń árqaısysy azamat­ta­rymyzdyń ál-aýqatyn arttyrý jáne damyǵan, ınklıýzıvti, ashyq Qazaqstan qurý jolynda naqty nátıjelerge qol jetkizýdi kózdeıdi. Sondyqtan osy baǵytta belsendi jumys júrgize beremiz.

Máýlen ÁShIMBAEV,

Senat tóraǵasy