foto: pixabay.com
О́zbekstan áýe joldarynyń habarlaýynsha, 28 qańtarda Tashkentten Nıý-Iorkke ushqan HY101 reısiniń bortynda erekshe oqıǵa oryn aldy: ushaqtaǵy jolaýshynyń tolǵaǵy ustaǵan.
Ekıpaj oqıǵaǵa birden den qoıyp, basqa jolaýshylardyń arasynan medısına salasynyń mamandaryn izdepti. Qýanyshqa oraı, bortta akýsher men hırýrg bolǵan edi. Olar birden áıelge kómek kórsete bastaıdy.
Biraz ýaqyttan keıin, ushaq 10 myń metrden astam bıiktikke kóterilgende ul bala dúnıege keldi.
«Osyǵan baılanysty ekıpaj Keflavık qalasyndaǵy (Islandııa) aerodromǵa shuǵyl qonýdy uıǵardy. Anasy men jańa týǵan náreste jergilikti aýrýhanaǵa jetkizildi», dep atap ótti О́zbekstan áýe joldary qyzmeti baspasóz qyzmeti.
«О́zbekstan áýe joldary» kompanııasy uldy bolǵan otbasyny quttyqtap, ekıpaj músheleri men medısına qyzmetkerlerine kásibıligi men úılesimdi jumysy úshin alǵysyn bildirdi.
