Sýret: gov.kz
Sonyń biri – tikeleı ınvestısııa tartýda tehnologııalar men bolashaqtyń resýrstaryna den qoıý. Prezıdent kúrdeli jaǵdaı týyndap otyrǵanyn jasyrǵan joq. О́ıtkeni tikeleı sheteldik ınvestısııalardyń 36%-ǵa quldyraýy – qaýipti qubylys. Degenmen eski ádisterge sala bermeı, jańasha qadam usynyldy. Atap aıtqanda, qazirgi kúni álemde eń suranysqa ıe metaldardyń biri – lıtıı sekildi sırek kezdesetin resýrstarǵa basymdyq berý, bıýrokratııalyq kedergilerdi joıyp, strategııalyq ınvestorlar úshin údemeli jeńildikterdi engizý.
Shyn máninde sırek kezdesetin resýrstar men joǵary tehnologııalyq jobalarǵa den qoıý álemdik naryqtaǵy qýatty básekelestermen oıyn ekeni anyq. Alaıda zamanaýı ári ártaraptandyrylǵan ekonomıka qurýdyń mańyzdy joly – sol.
Ekinshi másele – týrızm jáne kólik salasyn damytý. Bul, árıne, jańa ıdeıa emes, degenmen Prezıdent jaı ǵana damý emes, serpindi damýdy talap etip otyr. Elimiz saıahatshylar nazaryn aýdaratyn jańa tartylys aımaǵyna aınalýy úshin týrıstik ınfraqurylymymyz halyqaralyq standarttarǵa saı bolýy qajet. Kólik salasynda da Memleket basshysy aldymyzǵa órshil jospar qoıdy: ol – temirjol men halyqaralyq aerohabty damytý arqyly elimizdi tranzıttik habqa aınaldyrý.
Úshinshi másele – áleýmettik saıasat: eski-qusqyny jamaı berýdiń qajeti joq. Densaýlyq saqtaý salasyn reformalaý, MÁMS jáne aýyldy damytý – bular ahýaldyń jaı ǵana bet-álpetin túzeý emes, júıeli ózgeristerdi talap etedi. MÁMS reformasynda ashyqtyq pen ádildikke den qoıylýy qajet. Aýdandar men aýyldarda medısınalyq ınfraqurylymdy jaqsartý kerek. Bıznes pen ınfraqurylymdy damytý arqyly aýyl ekonomıkasyn qoldaǵan jón.
Álbette, ýaqytsha sheshimder jolymen ketpeı, mıllıondaǵan otandasymyzdyń ómir sapasyn arttyrýǵa yqpal etetin uzaqmerzimdi tetikterdi jasaý qajet.
Tórtinshi másele – energetıka salasynda atom energetıkasyn damytý, aımaqtardy gazdandyrý, kómir stansalaryn aýaǵa ýly gazdy barynsha az bóletin tehnologııaǵa kóshirýge nazar aýdarý kerek.
Besinshi másele – qarjy salasy. Yńǵaıly ymyralardyń ornyna ádil reformalar kerek. Prezıdent ınflıasııamen kúreste jáne salyq-bıýdjet saıasatyn reformalaýda aıryqsha tásilder bolýyn talap etti. Bıýdjet defısıtin jabý úshin Ulttyq qor qarajatyn paıdalanýdy doǵarý kerek. Memleket basshysy Úkimetke basqa joldardy tabýdy tapsyrdy. Atap aıtqanda, shyǵyndar qatań túrde baqylaýǵa alynýǵa tıis; qarjy saıasaty qysqamerzimdi paıdaǵa emes, uzaqmerzimdi turaqtylyqqa qurylýy kerek. Mundaı qadamdar shyǵyndardy qatań baqylaýdy talap etetindikten, únemi qarsylyqqa tap bolady. Alaıda turaqty qarjylyq júıeni osyndaı sheshimder ǵana qura alady.
Kúrdeli kezeń aıryqsha ári batyl sheshimderdi talap etedi. Eski súrleýmen kete beremiz be, álde batyl sheshimder qabyldap, jeńiske jetetin elge aınalamyz ba? Biz búgin osyndaı tańdaý aldynda turmyz.
Ashat AIMAǴAMBETOV,
Májilis depýtaty
