Fotolar: Qaraǵandy oblysynyń ákimdigi
Oqý oryndarynyń ákimshiligi men qamqorshylyq keńesi 10 oqýshynyń ájesin irikteıdi. Ájeler balalarǵa sheberlik synyptaryn, dóńgelek ústelder, dárister, t.b. ótkizedi. Is-sharalar jospary bekitilgendikten ár kezdesýde naqty taqyryp talqylanady. Atalǵan kezdesýler Saran mektepterinde turaqty túrde ótkiziledi.
Saran ákimdiginiń baspasóz hatshysy Dýman Álimjanovtyń túsindirýinshe ájelerdiń balalarmen kezdesýlerinde myqty otbasyn qurý, mamandyqty qalaı tańdaý, balalardy qalaı tárbıeleý, t.b. taqyryptar arqaý bolady eken. Mysaly, Qazaqstan halqy Assambleıasynyń ókilderi balalarǵa kıizden kádesyılar jasaýdy úıretken.
Atalǵan joba boıynsha ınteraktıvti tanymdyq oıyndar da ótkiziledi. Kezdesýlerdiń birinde mektep oqýshylarynyń ájeleri túrli tilderde án salyp, túrli ulttardyń dástúrli kıimderi týraly áńgimelegen.
