Jetistik jemisi – beıbitshilik pen kelisimde

Joǵarǵy Sottyń uıymdastyrýymen 1 mamyr – Qazaqstan halqynyń birligi kúnin merekeleýge arnalǵan saltanatty jıyn bolyp ótti. Oǵan Joǵarǵy Sot Tóraǵasy Qaırat Mámı, qadaǵalaýshy sot alqalarynyń tóraǵalary men sot júıesiniń ardagerleri, sýdıalar men Joǵarǵy Sot apparatynyń qyzmetkerleri qatysty. Saltanatty sharaǵa qonaq retinde Qazaqstan halqy Assambleıasy Tóraǵasynyń orynbasary – Hatshylyq meńgerýshisi Eraly Toǵjanov, Konstıtýsııalyq Keńes Tóraǵasy Igor Rogov, Qazaqstan halqy Assambleıasynan Parlament Májilisine saılanǵan depýtattar shaqyryldy. Jıynnyń aldynda Joǵarǵy Sot apparatynyń qyzmetkerleri qatysqan Qazaqstan halqy dostyǵynyń fes­tıvali uıymdas­tyryldy. Festıval sheńberinde apparattyń árbir qurylymdyq bólim­shesi Qazaqstanda turatyn belgili bir etnostyń mádenıetin, salt-dástúrin, mýzykasy men ulttyq taǵamdaryn kórsetti. Saltanatty jıyndy ashqan Q.Mámı qazaqstandyqtar úshin 1 mamyr merekesiniń mańyzdylyǵyn jáne Qazaqstan halqy birligin saqtaý men nyǵaıtýdaǵy Memleket basshysynyń aıryqsha rólin atap ótti. «Táýelsiz Qazaqstannyń barlyq tabystary men jetistikterine kóp jaǵdaıda elimizdegi beıbitshilik pen kelisimniń arqasynda qol jetkizdik. Búginde respýblıkamyzdaǵy sottarda 28 etnos ókilderi jemisti qyzmet atqarýda. Sottar tarapynan jyl saıyn bir mıllıonnan astam istiń qa­ralýy, halyq seniminiń arta túsýi qazaq­standyq sot tóreliginiń tıimdi kórset­kishi bolyp sanalady», – dedi Joǵarǵy Sot Tóraǵasy. Jıynǵa qatysýshylardy merekemen quttyqtaǵan Eraly Toǵjanov Joǵarǵy Sot Tóraǵasy Qaırat Mámı men Konstıtýsııalyq Keńes Tór­a­ǵasy Igor Rogovqa «Qazaqstan hal­qy Assambleıasyna 20 jyl» meda­lin tabystady. Ol sondaı-aq Joǵar­ǵy Sottyń birqatar sýdıalaryn Qa­zaqstan Respýblıkasynyń Prezı­denti – Qazaqstan halqy Assambleıasy Tóraǵasynyń atynan merekelik medaldarmen, qurmet gramotalarymen jáne alǵys hattarmen marapattady. Buǵan qosa, respýblıkamyzdyń barlyq óńirindegi 45 sýdıa men otstavkadaǵy sýdıa dál osyndaı ma­ra­­pattarǵa ıe boldy. Joǵarǵy Sot Tóraǵasynyń О́kimimen Qazaqstan halqynyń birligi kúni jáne Uly Otan soǵysyndaǵy Jeńistiń 70 jyldyǵy qarsańynda respýblıkadaǵy 70-ke jýyq sýdıa, Uly Otan soǵysynyń ardagerleri, tyl eńbekkerleri men otstavkadaǵy sýdıalar vedomstvolyq medaldarmen jáne arnaıy tósbelgilermen marapattaldy. Atalǵan marapattar óńirlerde óz ıelerine saltanatty túrde tabystalatyn bolady.  Is-shara sońynda festıvaldyń qorytyndysy shyǵarylyp, jeńimpazdarǵa dıplomdar men estelik syılyqtar tapsyryldy, dep habarlady Joǵarǵy Sottyń baspasóz qyzmeti.