Foto: aikyn.kz
Qazir respýblıka boıynsha 521 jasóspirimder sport mektebi bar. Onda 406 227 sportshy jattyǵady. Jasóspirimder sport mektebinde sporttyń 114 túri, sonyń ishinde olımpıadalyq sport túrlerimen – 302 204, olımpıadalyq emes sport túrleri boıynsha – 31 043, ulttyq sport túrleri boıynsha – 44 695, Azııa oıyndary baǵdarlamasyna engizilgen sport túrlerimen 27 581 adam shuǵyldanady.
Vedomstvonyń keńeıtilgen jıynynda sportshylardy medısınalyq turǵyda qoldaý sharasy kúsheıtiletini aıtyldy.
«Kelesi mańyzdy baǵyt – sportshylardy alańda medısınalyq jáne bıologııalyq qamtamasyz etý. Bekitilgen salalyq tujyrymdamaǵa sáıkes, elimizdiń 9 óńirinde, sonyń ishinde Ulytaý, Aqtóbe, Almaty, Atyraý, Jambyl, Batys Qazaqstan, Qyzylorda, Mańǵystaý, Soltústik Qazaqstan oblystarynda medısınalyq dene shynyqtyrý dıspanserlerin ashý josparlanyp otyr. Oblys basshylarynan osy baǵytta tıisti jumystar júrgizýdi suraımyz», delingen mınıstrlik habarlamasynda.
