Frto: primeminister.kz
Mınıstrler ózara is-qımyl formattaryn, sondaı-aq EAEO-ny damytýdyń ózekti jáne problemalyq máselelerin talqylady.
Eldar Álisherov áriptesterin Eýrazııalyq ekonomıkalyq ıntegrasııany damytýdyń 2025 jylǵa deıingi strategııalyq baǵyttaryn iske asyrý jónindegi is-sharalar josparyn oryndaýdyń aldyn ala qorytyndylary týraly habardar etti. Onyń aıtýynsha, Odaq elderi Komıssııamen birlesip josparlanǵan is-sharalardyń 72%-yn júzege asyrdy.
«2025 jyl – osy strategııalyq qujatty iske asyrý boıynsha qorytyndy jyl jáne biz ekonomıkalarymyzdyń ıgiligi úshin barynsha nátıjelerge qol jetkizemiz dep úmittenemiz», dep atap ótti EEK mınıstri. Belarýs Respýblıkasy Ekonomıka mınıstriniń orynbasary Alesıa Abramenko Belarýstiń EAEO organdaryndaǵy tóraǵalyǵy aıasynda jemisti ıntegrasııalyq ózara is-qımyldy nyǵaıtýǵa baǵyttalǵan aldaǵy jylǵa arnalǵan qyzmettiń basym baǵyttaryn atap ótti. Olardyń ishinde tehnologııalyq áleýet pen ımportty almastyrýdy damytý, ózara ınvestısııalardy yntalandyrý, «jiksiz» kólik keńistigin qalyptastyrý, AО́K jetildirý, atap aıtqanda, seleksııa jáne tuqym sharýashylyǵy salasynda, ishki naryqtyń qaýipsizdigin qamtamasyz etý jáne elektrondyq saýdany damytýdy qosa alǵanda, ekonomıkany sıfrlandyrý.
Budan basqa, Odaq týraly shart kúshine engen sátten bastap EAEO memleketteriniń áleýmettik-ekonomıkalyq damýy týraly halyqtyń habardar bolýyn arttyrý jáne komıssııa eldermen birlesip tıisti aqparattyq materıaldardy daıyndaý máseleleri qaraldy.
