«Qys» oqý-jattyǵýy eki jylda bir ret ótkiziledi. Is-sharalar josparlaý jáne daıyndyq, birlesken jattyǵýlar, sondaı-aq praktıkalyq is-sharalar sekildi úsh kezeńge bólingen.
Oqý-jattyǵý barysynda «Aqbaba» polıgonynda qysqy kezeńde ómir súrý úshin komandalyq josparlaý jáne sharalar qabyldaý máseleleri pysyqtalýda. Birlesken daıyndyq tótenshe jaǵdaılarda ákimshilik jáne logıstıkalyq prosesterdi retteýge múmkindik beredi.
Is-sharaǵa Ázerbaıjan, Bangladesh, Bosnııa jáne Gersegovına, Grýzııa, Egıpet, Italııa, Mońǵolııa, Pákistan, AQSh jáne t. b. Elderdiń áskerı qyzmetshiler qatysady.
Korpýs pen brıgadanyń basqarý pýnkterinde sheshimder qabyldaýǵa Qazaqstan Qarýly kúshteriniń Qurlyq áskerlerinen jedel top tartyldy.
Birlesken jumys basqarý organdarynyń úılesimdiligin arttyrýǵa, qarly ári sýyq kezeńde bólimshelerdiń jaýyngerlik qabiletin, qozǵalys qarqynyn saqtaý úshin aldyn alý sharalaryn qabyldaý qabiletin damytýǵa baǵyttalǵan.
