Máskeýde 28 jastaǵy qazaqstan azamaty qolǵa tústi. Ol Almaty turǵyndaryn aldap, olardyń qymbat smartfondaryn satý úshin alyp, izin sýytqan. Bul qylmysty ol 2023 jyldyń sáýiri men qazany aralyǵynda jasaǵan.
«Onyń alaıaqtyq áreketteriniń saldarynan jeti adam zardap shekti. Keltirilgen materıaldyq shyǵyn 32 mıllıon teńgeden asady», dep málimdedi IIM ókilderi.
Reseıdiń Lıýbersy qalasynda Shymkent qalalyq polısııa departamentiniń qyzmetkerleri men Reseı quqyq qorǵaý organdarynyń birlesken jumysy nátıjesinde 36 jastaǵy áıel ustaldy.
«Tergeý barysynda anyqtalǵandaı, bul azamatsha – О́zbekstan azamaty. Ol 2014 jyly bireýdiń jer telimin óz atynan satyp, ıesin aldap ketken. Jábirlenýshige kelgen shyǵyn – 14 myń AQSh dollary», dep habarlady vedomstvo.
QR Ishki ister mınıstrliginiń málimetinshe, 2025 jyldyń basynan beri Qazaqstannan qashyp ketken 11 qylmysker shetelde ustaldy. Sonymen qatar el aýmaǵynda sheteldik quqyq qorǵaý organdary izdegen 44 qylmysker anyqtaldy.
