Foto:Depositphotos.com
Atap aıtsaq, kólikterdi bes mınýttan artyq qyzdyrǵany úshin aıyppul salynady degen aqparattar qoǵamdy alańdatyp otyr. Depýtat Nartaı Sársenǵalıev atap ótkendeı, jalpy elimizdiń soltústik óńirlerinde kólikti jylytýǵa bes mınýt ýaqyt azdyq etedi, al eger kólikti qyzdyrmaı júrgizse, bul júrgizýshilerge qosymsha qarjylyq júkteme týǵyzady.
Bul rette, Ishki ister vıse-mınıstri Igor Lepeha kólikti 5 mınýttan artyq qyzdyrýǵa shekteý joq ekenin atap ótti.
«Avtokólikti 5 mınýttan artyq qyzdyrýǵa shekteý joq. Eldi mekenderde turǵyndarǵa qolaısyzdyq týǵyzǵan jaǵdaıda mehanıkalyq kólik quraldarymen otaldyrǵan qalpy toqtap turýǵa tyıym salynady. Tek aryz túsken jaǵdaıda ǵana bul norma boıynsha jaýapqa tartamyz. Byltyr osyndaı úsh jaǵdaı tirkelip, onyń biri prokýratýra tarapynan joıyldy. Iаǵnı, biz kólik qyzdyrǵan adamdy jaýapqa tartpaımyz», dedi vıse-mınıstr.
Al depýtat Baqytjan Bazarbek kólikti qyzdyrý úshin aıyppul tóńiregindegi shý memlekettik organdardyń nemquraılylyǵy ekenin tilge tıek etti.
