Jalpy, aqpan aıy – jyldyń eń qubylmaly aılarynyń biri, bul aı aýa temperatýrasynyń kúrt ózgerýimen sıpattalady.
Aqpan aıynyń basynda soltústik-batys sıklonynyń áserinen jaýyn-shashyndy bultty aýa raıy – qar, jylbysqy qar, jańbyr, eldiń soltústik jartysynda burqasyn boljanady. Respýblıkanyń basym bóliginde aqpannyń alǵashqy kúnderinde aýa temperatýrasynyń kóterilýi kútiledi:
- eldiń batysy men ońtústiginde kúndiz 0,+10°S deıin;
- respýblıkanyń soltústik jartysynda túnde -2-7°S deıin, kúndiz -4+1°S deıin.
Eldiń shyǵysy men ortalyǵynda temperatýranyń negizgi fony túnde -12-20°S, kúndiz 0,-8°S deıin jylynady dep boljanady.
Birinshi onkúndiktiń ekinshi jartysynda Salehard aýdandarynan sýyq antısıklonnyń áserinen Qazaqstanda aýa temperatýrasynyń tómendeýi boljanady:
- eldiń soltústik jartysynda túnde -28-35°S deıin, kúndiz -20-25°S deıin;
- ońtústik jartysynda túnde -13-20°S deıin, kúndiz -5-12°S deıin, taýly aımaqtarda jáne ońtústik aımaqtardyń soltústiginde túnde -30°S deıin, kúndiz -20°S deıin.
Aqpannyń ekinshi jáne úshinshi onkúndikterinde konsýltatıvtik boljamǵa sáıkes, aıazdy kúnder jyly kúndermen almasady, qar, tuman jáne kóktaıǵaq kútiledi. Respýblıkanyń ońtústik jáne ońtústik-shyǵystyń taýly aımaqtarynda qatty jaýyn-shashyn, ıaǵnı jańbyr, qar bolýy múmkin.
Sýyq antısıklonnyń enýine baılanysty qarqyndy sýyq tolqyndar boljanady, bul kúnderi aýa temperatýrasy tómendeıdi:
soltústik jartysynda jáne QR ortalyǵynda túnde -25-35°S deıin, kúndiz -15-25°S deıin;
respýblıkanyń ońtústik jartysynda jáne ońtústik-batysynda túnde -12-22°S deıin, kúndiz -3-15°S deıin.
Al sıklondyq belsendilik kezeńinde aýa temperatýrasynyń Qazaqstannyń soltústik jartysynda kúndiz -5+3°S deıin, eldiń ońtústik jartysynda jáne ońtústik-batysynda kúndiz +5+15°S deıin joǵarylaýy kútiledi.
