Foto: Aqorda
Prezıdent qazaq-túrikmen qarym-qatynastary barlyq baǵytta dostyq, tatý kórshilik jáne strategııalyq seriktestik rýhynda damyp kele jatqanyna nazar aýdardy.
Sondaı-aq Ashhabad bastamashy bolǵan Beıbitshilik jáne senim jylynyń bastalýymen quttyqtady. Bul Túrikmenstannyń beıtarap saıası ustanymynyń 30 jyldyǵymen qatar kelip otyr.
Qasym-Jomart Toqaev Túrikmenstannyń bitimgershilik bastamalarynyń mańyzy zor ekenin aıtyp, ony tabysty júzege asyrý úshin Qazaqstannyń jan-jaqty qoldaý kórsetýdi jalǵastyra beretinin atap ótti.
Eki el arasynda ekonomıkalyq baılanystar qarqyndy damyp, memleketter múddesine saı keletin ózekti máseleler konstrýktıvti turǵydan ilgerilep keledi.
О́z kezeginde Rashıd Meredov Memleket basshysyna Túrikmenstan Prezıdenti Serdar Berdimuhamedov pen Túrikmen halqynyń ulttyq kóshbasshysy, Halk Maslahatynyń Tóraǵasy Gýrbangýly Berdimuhamedovtiń ystyq yqylasyn jetkizip, Eki el arasynda ekonomıkalyq baılanystar qarqyndy damyp kele jatqanyn tilge tıek etti.
Áńgimelesý barysynda energetıka, kólik-tranzıt jáne mádenı-gýmanıtarlyq salalar boıynsha buǵan deıin joǵary deńgeıde qol jetkizilgen ýaǵdalastyqtardyń júzege asyrylý barysy talqylandy.
