Byltyr tamyz aıynda biz ushqyshsyz ushý apparattaryn tájirıbelik-ónerkásiptik rejımde iske qosqanyn aıtqan Qazaqstandaǵy ERG bas dırektory Serik Shahajanov: «Birneshe aı ishinde robotty tehnıkanyń kómegimen biz 1 mln tonnadan astam taý massasyn tasymaldadyq. 2027 jylǵa deıin shıkizat kólemin 115 mln tonnaǵa deıin ulǵaıtýdy josparlap otyrmyz. Álemdegi eń jaqsy tájirıbelerdi zertteımiz jáne basqa karerlerde de ushqyshsyz tehnıkany qoldanýǵa tyrysamyz», dedi.
Qazir robotty tehnıka keshenine eki adam qyzmet kórsetedi. Júrgizýshi-operator úsh mashına manevrleriniń jymdamdyǵyn durys tańdap, traektorııasynyń jáne qaýipsizdik talaptarynyń saqtalýyn qadaǵalaıdy. Servıstik ınjener keshenge qyzmet kórsetedi, marshrýttar qurady jáne tıeý-túsirý alańdaryn naqtylap otyrady. Barlyq júrgizýshiler robotty tehnıkany basqarý úshin qaıta oqytylǵan.
«О́ndiristik prosesterge robottandyrylǵan júıelerdi engizý – ERG strategııasynyń negizgi Digital mindetteriniń biri ekenin aıtqan joba jetekshisi, ERG quramyndaǵy Business & Technology Services kompanııasynyń TMK robottandyrý jónindegi sarapshy Evgenıı Fadeevtiń sózinshe bul ERG IT-komandasyna da, IT-sheshimderin paıdalanýshylarǵa da joǵary talaptar qoıady. Jańa qyzmet, sondaı-aq personaldyń quzyretine qoıylatyn jańa talaptar paıda boldy. Mysaly, aýyr júk tehnıkasyn robottandyrý jobasyn iske qosýmen «Vostochnyı» kenishinde avtomattandyrylǵan júk tasymaldaý qyzmeti quryldy. Eger buryn tehnıkany júrgizýshi basqarsa, endi ol berilgen baǵdarlama boıynsha qozǵalady. Operator prosesti yńǵaıly bólmede qashyqtan baqylaıdy jáne qyzmet kórsetedi. Bul, árıne, ónerkásip qaýipsizdigine jasalǵan úlken qadam.
«Vostochnyı» kenishiniń qyzmetkerleri, Business & Technology Services (BTS) IT- mamandary, merdiger uıymnyń ókilderinen jasaqtalǵan engizý komandasy: ónerkásiptik synaqta keshendi paıdalanatyn komandanyń áreketimen ushtastyra otyryp, tehnologııanyń, samosvaldardy basqarý algorıtmderiniń jáne olardyń qaýipsizdik júıesiniń tıimdiligin kórsetti. Bul tásil qaýip-qaterlerdi azaıtady, operasııalardyń dáldigin arttyrady jáne joǵary ónimdilikti qamtamasyz etedi.
Túıindeı aıtqanda, júk tasymaldaýdyń avtomattandyrylǵan júıesin engizý – óndiristi sıfrlyq transformasııalaý jolyndaǵy mańyzdy qadam.
