Foto: istockphoto.com
«Buǵan deıin asa aýyr qylmysy úshin 25 jylǵa bas bostandyǵynan aıyrylǵan «J» 2024 jyldyń qarasha aıynda túzeý mekemesinde bola otyryp, jańa qylmys jasaǵan. Ol, 112, 103 jáne 102 shuǵyl qyzmetterine qońyraý shalyp, №25 orta mektepte jáne avtovokzalda jarylǵysh zattardyń qoıylǵany týraly habarlama jasap, avtovokzalǵa jedel járdem brıgadalaryn jiberýdi talap etken», delingen Jetisý oblysy prokýratýrasynyń habarlamasynda.
Obektilerdi evakýasııalaý jáne tekserý barysynda jarylǵysh zattar tabylmaǵan.
Sot azamatty QR QK-niń 273-baby (Terrorızm aktisi týraly kórineý jalǵan habarlaý) boıynsha kináli dep tanyp, 2 jyl 6 aıǵa bas bostandyǵynan aıyrý jazasyn taǵaıyndaǵan.
«Aldyńǵy úkim boıynsha ótelmegen jazanyń ishinara qosylýyn eskere otyryp, sońǵy jaza 25 jylǵa bas bostandyǵynan aıyrý bolyp belgilendi», delingen habarlamada.
