Foto: old.syrboyi.kz
Depýtattyń pikirinshe, adamzat tarıhynda salyq salasy únemi reformalanyp keledi. Birde salyq artsa, birde tómendetiledi. Bul bizdiń eldegi «ashyq qoǵam» tujyrymdamasynyń ómirsheńdiginiń naqty kórinisi. Sondaı-aq ol kúndelikti aqparat betterinen, kezdesýlerde ártúrli pikirlermen tanysyp jatqandyǵyna toqtalyp, árkimniń óz oıyn, argýmentin aıtýǵa quqyǵy bar ekendigin aıtty.
«Búgin Memleket basshysy otandyq bıznes ókilderimen kezdesýde Úkimetke mezgil máselesine aınalǵan taqyrypqa baılanysty óz pikirin jetkizdi. О́z sózinde: «Úkimet túpkilikti sheshimdi bilikti sarapshylardyń, qaıtalap aıtamyn, bilikti sarapshylar men kásipkerlerdiń, álbette depýtattardyń pikirine qulaq asa otyryp, naqty esepteýler negizinde qabyldaǵany durys», dedi. Iаǵnı, «Halyq únine qulaq asatyn memleket» tujyrymdamasyna súıenip, múddeli jaqtardyń pikirlerin eskere otyryp, sheshim qabyldaý mańyzdy», dedi Naýryzbaı Baıqadamov.
Naýryzbaı Baıqadamov konstıtýsııa boıynsha áleýmettik memleket ekenimizdi eske salyp, salyq halyqqa aýyr salmaq bolmaýy tıis ekendigin atap ótti.
«Árıne Úkimettiń maqsaty bárimiz úshin qajetti bıýdjet tapshylyǵyn sheshý. Bunyń eki jaǵy bar. Reforma kásipkerliktiń damýyna ońtaıly joldy qarastyra otyryp, tutynýshylardyń satyp alý qabiletin tómendetpeýimiz kerek. QQS-tyń saralanǵan mólsherlemesi arqyly áleýmettik mańyzy bar taýarlardyń qoljetimdilik deńgeıi esepke alynady. Mysaly, azyq-túlik, dári-dármek, bilim berý jáne densaýlyq saqtaý qyzmetterine QQS-tyń tómen bolýy arqyly olardyń az qamtylǵan azamattarǵa qoljetimdiligi basty nazarda bolady dep kútilýde. Sonymen qatar, aýyl sharýshylyǵy, medısına nemese bilim berý sııaqty salalarǵa salyqty tómendetý baǵalardy baqylaýǵa, osy baǵyttaǵy ónimderdi óndirýge kásipkerlerimizdi yntalandyrýǵa yqpal etedi dep sanaımyz. Osy ádis arqyly densaýlyqqa nemese qorshaǵan ortaǵa zııan taýarlarǵa salyq mólsherin arttyryp onyń aınalymyn azaıtý durys ustanym bolady», dedi depýtat.
Jalpy alǵanda, salyq saıasaty ádilettilik qaǵıdattarynan aýytqymaýy ózekti. Depýtattyń aıtýynsha, salyq tóleý mádenıetiniń deńgeıi de tómendemeýi tıis. Halyq pen bılik eki kategorııa bolǵanymen qoǵamnyń eki quramdas bóligi bolyp tabylatyn birtutas dúnıe. Sondyqtan sheshim elimiz úshin, bárimiz úshin ádil de tıimdi bolýy kerek.
