Ári ketse 4-5 memlekettiń ókilderi qatysqan jarystyń jeńimpazdary da, olardyń jattyqtyrýshylary da joǵary jalaqy alyp, olımpıadalyq sport túrleriniń eskerýsiz qalýynan kóp rette esemiz ketip-aq júr. Bul elimizdiń barlyq óńirine tán jaǵdaı. Jýrnalıstermen júzdesken oblystyq dene shynyqtyrý, sport jáne týrızm basqarmasynyń basshysy Baqtııar Artaev sportshylardy daıyndaýǵa erekshe mán beretin ýaqyt jetkenin basa aıtty. Mysaly, balýandardy osy sport túri jaqsy damyǵan Kavkaz tájirıbesinen ótkizgen durys. Boksshylarymyzdy keıingi jyldary tamasha kórsetkishke jetip júrgen О́zbekstan, sharshy alańnyń talaı sheberin shyńdaǵan Kýba eliniń sportshylarymen birge jattyqtyrǵan jón. Qazirde oblystan Ázerbaıjan men Osetııaǵa ádis-tásilin jetildirýge ketken balýandar bar. Naǵyz sportshy osylaı shyńdalady. О́ıtkeni básekelestik bar jerde ǵana nátıje bolady.
Basqarma basshysy sport mektepteriniń jumysy da saralanatynyn aıtyp ótti. Jıyrma jyl tapjylmaı mektep basqarsa da, nátıje kórsete almaǵan basshylardyń endi eshkimge ókpesi bolmaýy kerek.
Oblys sportyndaǵy bıylǵy jańalyq – jergilikti «Qaısar» fýtbol komandasy birde-bir legıonersiz oınaıtyn boldy. Komanda bıýdjeti 1 mlrd 200 mln teńge bolyp otyr. «Mundaı qadamǵa barý ońaı emes. Alǵashqy týrlarda ese jiberýimiz múmkin. Biraq jergilikti fýtbolshylarǵa senim artýdy jón kórdik. «О́zimizdiń balalar oınasa ǵoı» degendi aıtyp júrgenimizge 30 jyldaı ýaqyt bolypty. Sondaı sát týyp otyr. О́z sportshylarymyzǵa qoldaý tanytaıyq. Jastarymyz jankúıerlerin jerge qaratpaıdy, el ishinde júrgen talanttarǵa jol ashylady degen senimdemiz», dedi basqarma basshysy.
Klýb basshylyǵyna jaqynda taǵaıyndalǵan Talǵat Ábdiǵapparuly komandanyń byltyrǵy qaryzdaryn óteýdiń qam-qareketi jóninde aıtty. Qazir 700 mln teńge bereshekti jabý maqsatynda keıbir kompanııalarmen kelisim-shart jasaldy. Odan bólek, aqyly qyzmetten túsken qarjy jumsalady. Sóıtip, bıyl qaryzdyń jartysyn qaıtarýǵa múmkindik týmaq.
Byltyr Qyzylorda qalasynan boı kótergen stadıon qurylysy qarqyndy júrip jatyr. Aldaǵy mamyr aıynda iske qosylady. Qaladaǵy «Tarlan» sport kesheni oblystyq dene shynyqtyrý, sport jáne týrızm basqarmasynyń teńgerimine ótti. Jaqyn arada boks klýby qurylyp, jergilikti talapty órender tegin jattyǵa bastaıdy.
QYZYLORDA
