Qazaqstan Respýblıkasynyń ákimshilik aýmaqtyq-qurylysy týraly 1993 jylǵy 8 jeltoqsandaǵy QR Zańynyń 11 babynyń 2 tarmaqshasyna sáıkes Túrkistan oblysy Túrkistan men Kentaý qalalarynyń shekaralary ózgeredi. Túrkistan aýdanynan 12 aýyldyq okrýg Kentaý qalasynyń aýmaǵyna ótedi. Osyǵan sáıkes, kenshiler qalasynyń aýmaǵy 721745 gektarǵa ulǵaımaq.
Joba boıynsha Kentaý qalasy aýmaǵyna Túrkistannyń 12 aýyly kirgen. Iаǵnı, Shaǵa, Jańa Iqan, Eski Iqan, Úshaıyq, Iassy, Orańǵaı, Qarashyq, Júınek, Babaıqorǵan, Shornaq, Jibek joly, Maıdantal aýyldyq okrýgteriniń jáne Ashysaı aýyly aımaǵynyń aınalasynda bos jatqan jer kendi qalanyń shekarasyna kirmek.
Atalǵan sheshim aldaǵy oblys máslıhatynyń sessııasynda bekitilse, onda qujat aýmaqtyq ádilet organynda memlekettik tirkeýden ótýge tıis.
