Aıta ketý kerek, Sıfrlyq damý, ınnovasııalar jáne aeroǵarysh ónerkásibi mınıstrliginiń buıryǵyna sáıkes, bıylǵy jyldyń 24 naýryzynan bastap Qazaqstanda uıaly baılanystyń abonenttik qurylǵylaryn tirkeýge arnalǵan «aq, sur jáne qara tizimder» engiziledi.
Memlekettik radıojıilik qyzmetiniń ókili Sáýle Temirhan túsindirgendeı, paıdalanýshylar arnaıy qyzmet arqyly qurylǵysynyń kúıin aldyn ala teksere alady.
«Eger siz Qazaqstanda telefon satyp alǵan bolsańyz jáne ol qara tizimge engen bolsa, onda, ókinishke oraı, qurylǵy buǵattalady. 24 naýryzdan bastap mobıldi qurylǵyny aldyn ala rastaý qyzmeti barlyq azamattar úshin qoljetimdi bolady. Qurylǵyny satyp almas buryn osy qurylǵynyń IMEI kodyn engizip, tekserý qajet», deıdi ol.
Sáýle Temirhan qazaqstandyqtarǵa tirkeý kezinde týyndaýy múmkin problemalardy boldyrmaý úshin qurylǵylardy satyp alar aldynda muqııat tekserýdi usyndy.
«Aq tizimdegi» smartfondar - zańdy satylǵan tehnıka. Eger satyp alýdyń zańdylyǵyna kúmán týyndasa, mysaly, IMEI kody qaıtalansa, qurylǵy ýaqytsha «sur tizimge» enedi, smartfon ıesine máseleni 30 kún ishinde sheshýge múmkindik beriledi.
Smartfonyn «aq tizimge» aýdarý úshin qurylǵyny zańdy satyp alǵanyn dáleldeý kerek.
Eger telefon jalǵan nemese urlanǵan bolsa, ol «qara tizimge» enedi jáne abonenttiń uıaly telefony jumys istemeıtin bolady.
