«Eń mańyzdysy – buzylǵan munaranyń ózi emes, qaıta qalpyna keltirý kezinde qoldanylǵan materıaldar. Qazirgi tańda tarıhı kórinisin saqtap tur. Eger qaıta qalpyna keltirý týraly sheshim qabyldansa, ǵylymı-restavrasııalyq jumystar tıisti lısenzııasy, biliktiligi jáne tájirıbesi bar uıymmen oryndalady. Elimizdiń zańnamasyna sáıkes, eskertkish tek tolyq fızıkalyq joıylǵan jaǵdaıda ǵana tarıhı-mádenı qundylyq mártebesinen aıyrylady. Osyǵan baılanysty, «Aqbıkesh» munarasy respýblıkalyq mańyzy bar tarıh jáne mádenıet eskertkishi mártebesin saqtap qalady», dedi Janat Seıdalyqyzy.
Al «Qazqaıtajańartý» RMK dırektory Almas Abdıev qaıta qalpyna keltirý jumystary boıynsha sheshim mamandardyń pikirin eskere otyryp qabyldanatynyn aıtty. «2020 jylǵa deıin munaranyń saqtalý deńgeıi 5-6 metr bıiktikte bolǵan. Ǵylymı-restavrasııalyq jumystar kúnniń sýyǵynda júrgizilgendikten, aýa raıynyń qolaısyzdyǵy jańa jáne burynǵy materıaldardyń birigý prosesine keri áserin tıgizdi», dedi Almas Abdıev.
Aqsúmbe aýylynan batysqa qaraı 1 shaqyrym jerde bıik jota basynda ornalasqan tarıhı nysan 2019 jyly respýblıkalyq mańyzy bar tarıh jáne mádenıet eskertkishteriniń tizimine engizilgen. Munaraǵa 2020 jyly alǵash ret respýblıkalyq bıýdjet esebinen QR Mádenıet jáne sport mınıstrliginiń tapsyrysymen «Qazqaıtajańartý» RMK tarapynan ǵylymı-restavrasııalyq jumystar júrgizilgen bolatyn.
