«Qaırat» fýtbol klýby TMD-daǵy eń tanymal strımıngtik platformalardyń biri – Kınopoısk beıneservısimen yntymaqtastyq týraly kelisimge qol qoıdy.
Eki tarap tek matchtardy translıasııalaýmen shektelip qalmaıdy, sonymen qatar birlesken oıyn-saýyq kontentin jasaýdy josparlap otyr. Aldaǵy 3 jylda kóptegen qyzyqty dúnıeler kópshilik nazaryna usynylady, yntymaqtastyq osy maqsatqa arnalǵan.
Budan bylaı «Qaırat» jankúıerleri úshin Kinopoisk saıtynyń «Sport» bóliminde klýbtyń jeke vıtrınasy paıda bolady, onda match translıasııalarynyń, sholýlardyń jáne qosymsha mazmundardyń jazbalary qoljetimdi bolady.
Osy aptada Kınopoısk pen «Qaırat» FK klýbtyń baqylaý keńesiniń tóraǵasy Qaırat Boranbaevpen eksklıýzıvti suhbat jasaıdy. Ol klýbtyń qyzmeti men damýyna, sondaı-aq Dastan Sátbaevtyń jaqynda aǵylshyndyq «Chelsı» klýbyna aýysýyna qatysty ózekti taqyryptardy qamtıdy.
«Iаndeks Plıýs abonentteri arasyndaǵy qazaqstandyq klýbtyń barlyq jankúıerleri endi Kinopoisk saıtynda súıikti komandasynyń jetistikterin baqylap otyrý múmkindigine ıe bolǵanyna qýanyshtymyz. Biz Qazaqstannyń qazirgi chempıonymen birge oıyn-saýyq kontentin jasaımyz. Onlaın translıasııalar - qarym-qatynastyń jańa deńgeıi. Kınopoısk platformasynyń arqasynda «Qaırat» matchtaryn kórýge bolady», dep atap ótti Iаndeks Plıýstiń Ortalyq Azııa men Kavkazdaǵy bas dırektory Vladımır Gorbýnov.
«Qaırat» - kıno jáne oıyn-saýyq salasyndaǵy jetekshi sıfrlyq platforma Kınopoısk kompanııasymen yntymaqtastyqty bastaǵan alǵashqy qazaqstandyq fýtbol klýby. Endi jankúıerlerimizge komandanyń matchtaryn baqylaý ońaıyraq bolady: Iаndeks ekojúıesiniń arqasynda translıasııalar men sholýlar qoljetimdi bolady.
«Kınopoısk kompanııasymen birlesip, jankúıerler úshin «Qaırat» pen onyń tarıhyna jańasha kózqaraspen qaraýǵa múmkindik beretin kontenttiń jańa formattaryn daıyndaımyz», dep túsindirdi «Qaırat» FK bas dırektory Asqar Esimov.
Aıta keteıik, kınopoısk – bul qazirgi ýaqytta 1,3 mıllıonnan astam qazaqstandyq paıdalanatyn «Iаndeks plıýs» birikken jazylymyna kiretin beıneservıs. Kınopoısk tek Qazaqstanda túsirilgen eń sátti fılmder men tanymal serıaldardy kórsetedi: «Pasanskıe ıstorıı», «Bıznes po-kazahskı», «Hotıa by v kıno», «Brat ılı brak», «Taptym-aý seni» franshızalary, «Moshennıkı» telehıkaıasy jáne t.b.
Beıneservıstiń málimetinshe, tek 2024 jyldyń birinshi jartyjyldyǵynda jazylýshylar Qazaqstanda túsirilgen 10 mıllıon saǵattan astam kontentti tamashalaǵan.
