Foto: aqmola_pd
Júrgizilip jatqan profılaktıkalyq is-sharalarǵa qaramastan, Aqmola oblysy joldarynda jol-kólik oqıǵalary jalǵasyp jatyr. Mysaly, 15 aqpanda Kókshetaý qalasy polısııasyna «Zvonochek» aıaldamasy janynda jaıaý júrginshini soǵyp ketkeni týraly habarlama kelgen. Hyundai Accent kóligin basqarǵan 49 jastaǵy áıeldiń baǵdarshamnyń ruqsat etilgen belgisi janyp turǵan kezde joldan ótip bara jatqan 18 jastaǵy jaıaý júrginshini qaǵyp ketkeni anyqtalǵan.
Atalǵan oblystyń polısııa departamentiniń málimetinshe zardap shekken stýdent aýrýhanaǵa synyqpen jetkizilgen. Atalǵan fakti boıynsha sotqa deıingi tergep-tekserý bastaldy.
Jol-kólik oqıǵalarynyń jıileýine baılanysty, erteńnen bastap Aqmola oblysynda «Qaýipsiz jol» respýblıkalyq aksııasy bastalady.
