Foto: ashyq derekkóz
Depýtat Qarataý óńirinde ornalasqan «Aqbıkesh munarasynyń» opyrylyp qulaýyn tilge tıek etip, tarıhı eskertkishterdi kútip-baptaý isiniń sapasyzdyǵyn synǵa aldy. Sondaı-aq B. Kerimbek jekelegen adamdardyń mýzeıine qoldaý kórsetilý kerektigin atap ótti. Osy úrdisti jaqsy nátıjege jetkizgen kórshi Reseıdi mysalǵa ala otyryp, memlekettik uıym tarapynan osyǵan qatysty júıeli jumys júrgizý – zaman talaby ekenin jetkizdi.
Buǵan qosa depýtat balalarǵa arnalǵan ǵylymı-tehnıkalyq mýzeıdiń mańyzdylyǵyn atap ótti. Osy oraıda B. Kerimbek tómendegideı usynystardy jetkizdi:
- «Aqbıkesh munarasyn qaıta qalpyna keltirip, elimizdegi búkil tarıhı-mádenı eskertkishterdiń jaı-kúıine tekserý júrgizý.
- Bilikti mamandardyń qatysýymen Qazaqstan murajaılarynyń jańa konsepsııasyn ázirlep, qoldanysqa engizý.
- Jeke murajaılar ashý tártibin naqtylap, esebin júrgizip, olarǵa memlekettik qoldaý kórsetý tetikterin tujyrymdap, iske asyrý.
- Murajaılar janynda balalarǵa arnalǵan ǵylymı-tehnıkalyq ortalyqtyń qarjylandyrý kózin jáne ornalasatyn jerin anyqtaý máselesin pysyqtaý.
- Jeke kolleksııadaǵy jádigerlerdi satý, olardy shekaradan shyǵarý kezinde memleketke birinshi kezekte ony satyp alý quqyǵy beretin normalar men mehanızmderdi zańǵa engizý.
- Elimizden shet elderge shyǵarylǵan tarıhı-mádenı jádigerlerdi qaıtarý boıynsha jumys júrgizý jáne tipti olardy qaıtarý múmkin bolmaǵan jaǵdaıda, olar boıynsha málimetterdi jınaqtap, arnaıy ortaq reestr jasaý boıynsha shara qabyldaý.
