Marapattardy atap aıtqanda:
* Jury Grand Prize (Qazylar alqasynyń bas júldesi)
* Critical Jury Prize (Kınosynshylar alqasynyń júldesi)
* NETPAC Jury Prize (NETPAC qazylar alqasynyń júldesi)
Kórermender men qazylar alqasy Elzat Eskendirdiń debıýttik fılmin joǵary baǵalady.
«Ábil» fılmi – Sovet Odaǵy qulap, kolhoz-sovhoz tarap, mal-múlik bóliske túsip, elde prıvatızasııa oryn alǵan kezeńdegi qııanatqa ushyraǵan qarapaıym adamdar men qaraýsyz qalǵan qazaq aýylyndaǵy beıbereketsizdikti sýretteıdi. Sol arqyly, kınotýyndy táýelsizdik basyndaǵy kúrdeli ýaqyt aıasyndaǵy qazaq halqynyń rýhanı keıpine, psıhologııalyq kúıine áleýmettik taldaý jasaıdy. Fılmde sovettik júıe kezindegi adam ómiriniń qunsyzdyǵy, qazaq halqynyń bastan keshken jaǵdaıy, turmys qalpy, óz elinde, óz jerinde dıskrımınasııaǵa túskeni, sosıalızmnen kapıtalızmge aýysý tusyndaǵy ekiudaı sezim, sonymen qatar jemqorlyqtyń paıda bolýy týraly da oı qozǵaıdy.
Fılm úlken tarıhı oqıǵalar kezindegi qarapaıym adamdardyń taǵdyryn sýretteýdi maqsat tutqan.
Bıylǵy jylǵy festıvaldiń qazylar alqasynyń tóraǵasy búgingi tańdaǵy álemdik kınonyń eń yqpaldy rejısserleriniń biri, qytaılyq Szıa Chjanke boldy. Onyń «Platforma», «Belgisiz rahat», «Álem», «Kúnáǵa bylǵaný», «Romantık býyn» sııaqty týyndylary halyqaralyq úzdik kınofestıvalderde joǵarǵy marapattarǵa ıe bolyp, al 2006 jyly «Natıýrmort» kınotýyndysy úshin Venesııa kınofestıvaliniń «Altyn arystan» bas júldesin jeńip alǵan. Szıa Chjanke sheberliginiń basty ereksheligi Qytaıdyń áleýmettik bet-beınesin názik túrde zerdeleı sýretteýimen erekshelenedi.
(Fotoda: bas jıýrı Szıa Chjanke)
Vesoul halyqaralyq Azııa kınofestıvali – Azııa kınosyna arnalǵan eń kóne jáne eń iri eýropalyq festıvalderdiń biri. 1995 jyly negizi qalanǵan festıval jyl saıyn Azııanyń júzdegen fılmderin Fransııa kórermenderine usyný arqyly olarǵa jas esimderdi tanytyp jáne avtorlyq kınematografııaǵa úlken qoldaý kórsetedi. Festıval jas rejısserlerge baǵyttalǵandyǵymen tanymal ári onyń júldeleri fılmderdiń halyqaralyq deńgeıde tanylýyna jáne fılmderdiń aýdıtorııasyn odan ary keńeıtýge kómektesedi.
Osy jyldar ishinde Apıchatpong Verasethakýl, Lav Dıas, Djafar Panahı sııaqty kórnekti rejısserler festıval laýreattary atandy. Baǵdarlamada konkýrstyq kórsetilimder ǵana emes, sonymen qatar retrospektıvalar, taqyryptyq seksııalar, kınematografıstermen pikir almasý jáne Shyǵys pen Batys arasyndaǵy dıalogty nasıhattaıtyn dóńgelek ústelder ótedi.
Fransýz premerasynda fılmdi rejısser Elzat Eskendir men akter Erlan Tóleýtaı tanystyrdy.
Álemdik premerasy 29-Pýsan halyqaralyq kınofestıvalinde ótken «Ábil» fılminiń festıvaldik sapary Gonkong halyqaralyq Azııa kınofestıvali, Skandınavııa óńiriniń bas kınofestıvali 48-Geteborg halyqaralyq kınofestıvalderine qatysýmen jalǵasyp, halyqaralyq aýdıtorııanyń úlken qyzyǵýshylyǵyn týdyryp jatyr. Sonymen qatar, aldaǵy ýaqytta da birneshe halyqaralyq kıno alańdaryna shaqyrtý alǵan.
