Alaıaqtar qalaı aldaıdy?
- Jalǵan vıdeoqońyraý men daýystyq habarlamalar. Sizge jaqynyńyz vıdeoqońyraý shalyp, shuǵyl aqsha aýdarýdy suraıdy. Onyń túri men daýysy tanys bolyp kórinýi múmkin. Biraq shyn máninde bul – alaıaqtar jasaǵan dıpfeık. Qazir osy shema álemde keń taralǵan. Jaqynyna kómektesemin dep, qaskúnemderge aqsha aýdaryp jibergen adam kóp.
- Basshylardyń vıdeoqońyraýy. Úlken kompanııalar da alaıaqtardyń qurbany bolyp jatyr. Kóbinese kásiporyn qyzmetkerlerine bas dırektordyń nemese qarjy dırektorynyń dıpfeık-vıdeosy jiberilip, aqsha aýdarý talap etiledi.
- Jalǵan suhbattar. Saıasatkerler, kásipkerler, tanymal tulǵalar dıpfeık shabýylynyń qurbanyna aınaldy. Bet-álpeti men daýysy jasandy ıntellekt kómegimen ózgertilip, olardyń atynan jalǵan aqparat taratylady. Mundaı vıdeolar óte shynaıy kórinetindikten, kópshilik aldanyp qalýy múmkin.
Jalǵan ekenin qalaı bilemiz?
- Kóz ben mımıkaǵa nazar aýdaryńyz. Dıpfeıkterde kózdiń qozǵalysy tabıǵı emes, jypylyqtaý jıiligi ózgeshe bolady.
- Dybysty muqııat tyńdańyz. Daýys durys shyqqanymen, erin qozǵalysy sózben sáıkes kelmeýi múmkin.
- Aqparat kózin tekserińiz. Eger vıdeo kúmándi kórinse, onyń túpnusqasyn izdeńiz nemese tikeleı sol adamnan surańyz.
- Arnaıy tekserý quraldaryn qoldanyńyz. Internette dıpfeıkterdi anyqtaıtyn baǵdarlamalar bar.
Qalaı qorǵanýǵa bolady?
- Telefonmen jaqynyńyz habarlasqanda birden aqsha aýdarmańyz. Aldymen qaıta qońyraý shalyp, suraq qoıyńyz.
- Kez kelgen vıdeo nemese daýystyq habarlamany tekserińiz. Kúmándansańyz, qosymsha aqparat izdeńiz.
- Jeke derekterińizdi qorǵańyz. Internette jeke fotolaryńyzdy, vıdeolaryńyzdy jáne daýystyq jazbalaryńyzdy ashyq jarııalamańyz.
- Qyzmetkerlerińizge eskertińiz. Iri kompanııalar qyzmetkerlerine dıpfeık alaıaqtyǵy týraly eskertýi qajet.
- Jańa tehnologııalardy qoldanyńyz. Jasandy ıntellekt ázirleýshileri dıpfeıkti anyqtaıtyn túrli quraldy usynady.
Dıpfeık – tek oıyn-saýyq emes, adamdardyń qaltasyn qaǵyp, bedelin túsiretin qaýip. Bul tehnologııany alaıaqtar jıi paıdalanady. Sondyqtan aqparatty muqııat tekserińiz.
