Ulytaý oblysy jeke oblys bolǵandyqtan jolaýshylar tasymalyna sýbsıdııa berý respýblıkalyq bıýdjetten qarastyrylady. Byltyr Ulytaý oblysynyń jolaýshylar kóligi jáne avtomobıl joldary basqarmasy Qazaqstan Respýblıkasy Kólik mınıstrliginiń Avtomobıl joldary komıtetine eki oblysqa jolaýshylar tasıtyn avtobýsty qaıtadan iske qosý jóninde usynyspen shyqqan. Kólik mınıstrligi «qarajat kelesi jylǵa qarastyrylady» dep jaýap berdi.
Bıyl sýbsıdııa qarastyrylyp, eki oblystyń bireýine ıaǵnı iri oblys Qaraǵandyǵa ruqsat berildi.
«О́tken jumada Qaraǵandy oblysynan jaýapty tulǵalar «Qaraǵandy – Jezqazǵan» baǵytynda jolaýshylar tasymaldaıtyn marshrýtty shyǵarýdy qolǵa alyp jatqanyn aıtyp, iske qosý úshin kelisim-shart jasaýǵa usynys jasady. Biz kelisim hat jazyp berdik. Endi №3 Qaraǵandy avtoparki burynǵy marshrýtty qaıtadan jalǵastyrady. Qaı aıdan bastap júretini ázirge belgisiz» dedi Ulytaý oblysynyń jolaýshylar kóligi jáne avtomobıl joldary basqarmasy basshysynyń orynbasary Erlan Túsipov.
