Foto: Joǵarǵy Sot
Atap aıtqanda 10-synyp oqýshylary 11-synyp oqýshylarynyń nusqaýymen 9-synyp oqýshylaryn uryp-soqqan. Saldarynan kámeletke tolmaǵan Sydyq N. aýyr dene jaraqattarynan kóz jumǵan.
Aımaq prokýratýrasy abaısyzda mektep oqýshysynyń ólimine ákelgen densaýlyqqa qasaqana aýyr zııan keltirý faktisi boıynsha qylmystyq isti Aqtóbe oblysynyń kámeletke tolmaǵandardyń isteri jónindegi mamandandyrylǵan aýdanaralyq sotyna joldady.
Tergeý barysynda 6 kámeletke tolmaǵan kúdikti qamaýǵa alynǵan.
«Olardyń bireýi QR QK 106-babynyń 3-bóligimen (Abaısyzda jábirlenýshiniń ólimine ákelgen qasaqana aýyr dene jaraqatyn keltirý) boıynsha sotqa berildi, al qalǵan beseýi QR QK 293-babynyń 2-bóligi (Buzaqylyq) jáne 106-baby 3-bóliginde kózdelgen qylmysty jasaýdy uıymdastyrǵany (Qylmysty uıymdastyrý, QR QK 28-baby 3-bóligi) úshin jaýapqa tartylyp jatyr», delingen prokýratýra habarlamasynda.
