Jergilikti taýardyń úlesi joǵary

Bas dırektor Shákerhan Rústemniń aıtýynsha, ishki naryqta jergilikti ón­diristiń úlesi shamamen 26%-dy quraı­dy, al 74% bolatyn ımporttyq taýar­lar – Reseı, Belarýs, Qytaı jáne Túr­kııa­­nyń enshisinde. Mamannyń aıtýyn­sha, sala­nyń kenjelep qalýynyń salmaqty sebe­bi bar: aǵash óńdeý óner­kásibi úshin shıkizat bazasy joq. Qajetti materıal­dardyń 70%-y shetelden keledi.

«Jıhaz óndirisin bastapqy kezeńde tabysty dep aıtý qıyn. Qymbat qural-jabdyqtar satyp alýǵa qarjy salý qajet. Barlyq óndiristik jelini ornalastyrýǵa arnalǵan úı-jaı kerek. Onyń kólemi eń az degende 700–1000 sharshy metr bolǵany jón. Eger menshikti ǵımarat bolmasa, onda tıisti alańdy jalǵa alý biraz shyǵyndy qajet etedi. Paıda tabý úshin turaqty damý, jıhaz úrdisterin qadaǵalaý, klıentterge kreatıvti sheshimder men eksklıýzıvti dızaın usyný mańyzdy», deıdi Shákerhan Rústem.

О́ndiristi keńeıtý úshin kompanııa «Sentr KredıtBankine» ótinim berip, jylyna 21,75%-ben nesıe alǵan. Onyń 13,75%-yn «Damý» qory sýbsıdııalaıdy, qalǵan 8%-yn kásipker tóleıdi. Nesıe qarajaty ınvestısııaǵa jumsalǵan. Kompıýtermen basqarylatyn sheteldik tehnologııa qol eńbegin 50%-ǵa deıin qysqartypty. Bul quryl­­­ǵy­lar­dyń kómegimen materıaldar tegisteledi, plenkamen qaptalady, ártúrli órnekter salynady. Shákerhan Rústem aıtyp ótkendeı, bul jolǵy jeńildetilgen nesıe óndiriske serpin berýge múmkindik berdi.

«Ishki naryqta básekege da­ıynbyz. Bizde aralas salalardy damytý mańyzdy. Qazir plıtalyq óndiristiń birneshe jobasy jumys istep jatqanyn bilemin. Syrtqy naryqta tanylý úshin ishki naryqtaǵy básiń joǵary bolýy kerek. Qytaı men Belorýssııada bul segmenttiń damyp ketkeni sonshalyqty, ózindik erekshelikteri aıqyn kórinedi. Ulttyq ónimderi brendke aınaldyrǵan. Qytaıda óte iri, jan-jaqty ártaraptandy­ryl­ǵan kásiporyndar jetedi. Ol elde jıhaz quramyndaǵy otandyq shıkizat úlesi – 100%: aǵashynan bas­tap jelimine deıin. Bizde de soǵan jaqyndap kelemiz. Aǵash Reseıden keledi, ózgesi ózimizde daıyndalady», deıdi keıipkerimiz.

Kez kelgen óndiris sııaqty jıhaz bıznesi de kadr tapshy­­ly­­­ǵyn bastan keship jatyr. «Adam resýrstary óte qymbat bolyp barady. Qajetti kadrlardy tabý qıyn, tek barynsha avtomattandyrý arqyly ǵana ony birshama teńestire alamyz. Biraq tehnologııa damyǵan saıyn onyń tilin meńgergen mamandardyń da qajettiligi seziledi», deıdi kásip­ker.

ALMATY