Bul – Oman syrtqy saıası vedomstvosy basshysynyń Qazaqstanǵa alǵashqy resmı kelýi. Atalǵan sapar túrli salalardaǵy ekijaqty yntymaqtastyqty jandandyrýǵa serpin berýge baǵyttalǵan.
Kezdesý barysynda mınıstrler saıası, ekonomıkalyq jáne mádenı-gýmanıtarlyq yntymaqtastyqqa qatysty keń aýqymdy máselelerdi talqylady. Erekshe nazar energetıka, kólik, logıstıka, qarjy jáne aýyl sharýashylyǵy sııaqty negizgi salalardaǵy ózara is-qımyl perspektıvalaryna aýdaryldy.
Taraptar Qazaqstan men Omannyń óńirlik logıstıkalyq hab retindegi strategııalyq áleýetin eskere otyryp, tranzıttik dálizderdi damytý mańyzdylyǵyn atap ótti. Osy turǵyda alǵashqy otyrysy osy jyldyń ekinshi jartysynda josparlanǵan Qazaqstan – Oman úkimetaralyq komıssııanyń mańyzdy úılestirýshi róli ataldy.
«Oman – Qazaqstannyń Taıaý Shyǵystaǵy mańyzdy seriktesi. Elderimiz ekijaqty yntymaqtastyqty keńeıtý úshin eleýli múmkindikterge ıe», dedi M.Nurtileý.
О́z kezeginde B.Ál-Býsaıdı Astananyń Ortalyq Azııadaǵy Omannyń jetekshi ekonomıkalyq seriktesi retindegi rólin atap ótip, ekijaqty yntymaqtastyqty jańa deńgeıge kóterýge berik beıildiligin rastady jáne elder arasynda tikeleı áýe qatynasyn ornatý múmkindigin qarastyrýdy usyndy.
Osy turǵyda Omannyń saýda-ekonomıkalyq ózara is-qımyl áleýetin iske asyrý úshin Qazaqstan men kórshi elder úshin Tikeleı ınvestısııalar qoryn qurý jónindegi bastamasy atalyp ótip, qoldaý tapty.
Mınıstrler ekonomıkalyq baılanystardy nyǵaıtý mádenı jáne adamı almasýdy keńeıtýge múmkindik beretinimen kelisti. Máselen, byltyr Omanǵa kelgen qazaqstandyq azamattardyń sany 37%-ǵa ósip, 21 myń adamǵa deıin jetti.
Osyǵan baılanysty qazaq tarapy Oman Úkimetiniń Qazaqstan azamattary úshin vızasyz rejimdi 30 kúnge deıin uzartý týraly sheshimin quptady. Bul týrıstik aǵynnyń ulǵaıýyna jáne ózara saparlardyń jeńildetýine yqpal etip, túrli salalardaǵy ózara is-qımyl úshin qosymsha perspektıvalar ashady.
Sondaı-aq suhbattastar óńirlik jáne jahandyq kún tártibin talqylap, ózara tıimdi baılanysty odan ári tereńdetýdiń perspektıvalary týraly pikir almasyp, eki eldiń syrtqy saıası vedomstvolary arasyndaǵy tyǵyz ózara is-qımyldy jalǵastyrýǵa ýaǵdalasty.
Kelissózder qorytyndysy boıynsha yqpaldastyqtyń odan ári perspektıvalyq baǵyttaryn aıqyndaıtyn Qazaqstan men Oman syrtqy ister mınıstrlikteri arasyndaǵy yntymaqtastyǵynyń jol kartasyna qol qoıyldy.
