Foto: Kýrsıv.Kz
Dóńgelek ústelde Ulttyq ekonomıka mınıstiriniń birinshi orynbasary Azamat Ámrın Kodekstiń jańa redaksııasyndaǵy negizgi túzetýlerdi túsindirdi.
Onyń aıtýynsha negizgi túzetýler mynalar:
Qosylǵan qun salyǵy boıynsha mindetti tirkeý shegin tómendetý — 20 000 MRP (78,6 mln teńge) 3 800 MRP (15 mln teńge) deıin;
Qosylǵan qun salyǵynyń mólsherlemesin arttyrý — 12%-dan 16%-ǵa deıin, buǵan qosa birqatar salalar úshin tómendetilgen mólsherleme 10% belgilenedi;
Jeńildetilgen deklarasııa boıynsha arnaıy salyq rejımin qoldanýdy shekteý — tek B2C segmentine (bıznes túpkilikti tutynýshylar úshin) qoljetimdi bolady.
Jıynda ekonomıst ekspertter pikir bildirip, Májilis depýtattary da talqyǵa qatysty. Májilistiń Salyq kodeksin talqylaýǵa arnalǵan jumys tobynyń otyrysynda depýtat Azat Perýashev qosylǵan qun salyǵyn 12 paıyzdan birden 16 paıyz kótermeı, birtindep, jyldarǵa bólip kóterý týraly oıyn ortaǵa saldy.
«Biz túrli nusqany eseptep kórdik. Jyl saıyn QQS mólsherlemesine 1 paıyz ǵana qosyp kóbeıtý modelin de qaradyq. Jyl saıyn eki paıyz qosyp ta eseptep kórdik. Biraq ondaı joldyń áseri bolmaıdy. Qazirgi modeldi jaıdan-jaı eseptep shyǵarǵan joqpyz. 28 trln teńge shyǵysymyz bolady dep otyrmyz. Jyl saıyn birtindep ósirsek, bıýdjettegi sańylaýdy jaba almaımyz, memlekettiń mindettemelerin oryndaı almaı qalamyz», dep jaýap berdi Azamat Ámrın.
