Turǵyn úı sertıfıkaty halyqtyń osal toptaryna, 1 jáne 2 toptaǵy múgedekterge, múmkindigi shekteýli balalary bar otbasylarǵa, jetim balalarǵa, kóp balaly otbasylarǵa baspana satyp alýǵa múmkindik beretin memlekettik qoldaý. Onymen ıpotekanyń bastapqy jarnasynyń bir bóligin jabýǵa bolady. Memlekettik turǵyn úı qurylysy jáne «Naýryz» turǵyn úı baǵdarlamasy aıasynda júzege asyrylady.
«Turǵyn úı nesıesine sertıfıkat berý Kókshetaý qalasynda qańtar aıynda bastaldy. Búgingi kúni jumystar júrgizilip jatyr. Birinshi alýshylar Otbasy bank arqyly ózderiniń múmkinshiligin tekseredi, sodan keıin elektrondyq úkimet arqyly bizge ótinish jiberedi. Qazirgi kezeńge 30 sertıfıkat berý josparlanyp otyr», deıdi Kókshetaý qalalyq jumyspen qamtý jáne áleýmettik baǵdarlamalar bóliminiń basshysy Qalı Ahmetov.
Sertıfıkat alýǵa ótinimdi konkýrstan ótken jáne memlekettik baǵdarlamalar sheńberinde kredıttik negizde turǵyn úı alýǵa nıet bildirgender ala alady. Otbasynyń jıyntyq tabysy ár adamǵa shaqqanda 143307 teńgeden aspaýy tıis.
