Sýret: facebook.com/profile.php?id=100064902511837
Mańǵystaýda aǵaıyndy sportshy jigitter Jeńis pen Shyńǵystyń esimi kópke málim. Jastar arasynda aǵaly-inili qos jigittiń jattyǵýyna qatysyp, solarǵa eliktep, sportpen aınalysyp júrgender az emes. Jeńis búginde sporttaǵy jeńisti jolyn ulymen birge jalǵap keledi. Bir aýdannyń ǵana emes, elimizdiń atyn asqaqtatyp, jeńis jalaýyn jelbiretip júrgen ákeli-balaly sportshylar qajyrly eńbeginiń arqasynda Bangkokte top jardy. Erkebulan Islamǵalı 15-17 jas aralyǵyndaǵy jasóspirimder arasynda 55 kılo salmaqta 1-orynǵa ıe boldy. Jeńis Qaıranov 20 jastan asqan eresekter arasynda, 60 kılo salmaqta birinshi oryndy jeńip aldy.
Ákeli-balalylardyń jeńisi Beıneý aýdanynyń sporttyq áleýetin taǵy bir márte kórsetken, barshaǵa úlgi bolarlyq jetistik boldy.
Qos sportshynyń jeńisi týraly óńirlik kommýnıkasııalar qyzmetiniń habarlamasynda: «Jeńis Qaıranov pen Erkebulan Islamǵalı – grepplıng tarıhynda aıryqsha iz qaldyratyn sportshylar, olardyń jeńisi otbasylyq qundylyqtarǵa negizdelgen, qajyrly eńbek pen dástúr sabaqtastyǵynyń jemisi», dep jazylǵan.
Mańǵystaý oblysy
